Áleýmettik jelide er adamnyń joǵarǵy qabattan qulai jazdaǵan qyzdy qutqarǵan sátinen video tarady. Oqiǵa Nur-Sultan qalasynda bolǵan, - dep habarlaidy "Ult aqparat".
Tótenshe jaǵdailar departamenti baspasóz qyzmetiniń málimetinshe, 11 mamyr saǵat 10.21-de Uly Dala kóshesi 27/1 mekenjaiyndaǵy úidiń segizinshi qabatyndaǵy balkonnyń erneýine balanyń ilinip qalǵany týraly habarlama túsken.
Oqiǵa ornyna jeke quramnyń 7 adamy men 2 tehnikadan turatyn Nur-Sultan qalalyq Tótenshe jaǵdailar departamentiniń bólimsheleri jóneltilgen.
"Kelgen sátte segizinshi qabattaǵy balkonnyń erneýine ilingen balany tómengi qabatta turatyn er adam qutqarǵany anyqtaldy. 2019 jyly týǵan qyz bala terezeden aýyp ketken kezde úide eshkim bolmaǵan. Baqytymyzǵa orai, 1985 jyly týǵan azamat, jetinshi qabatta turatyn Sábit Shontaqbaev jylap jatqan balany kórip, qutqarý boiynsha is-qimyl jasap, sanaýly sekýndtarda onyń ómirin saqtap qaldy", - dep habarlady TJD.
Er adam kórsetken erligi men batyldyǵy úshin marapatqa usynylatyny atap ótildi.
"Qurmetti ata-analar, bul bala aman-esen qutqaryldy, biraq sońy qaiǵymen aiaqtalǵan kóptegen jaǵdailar bar. Balalardy eresekterdiń qaraýynsyz qaldyrmańyzdar! Eger úide kishkentai bala bolsa, terezelerdi ashyq tastamańyzdar, óitkeni balanyń áreket etýi úshin bir sekýnd jetkilikti", - dep qorytyndylady qutqarýshylar.
