ەلەۋمەتتٸك جەلٸدە ەر ادامنىڭ جوعارعى قاباتتان قۇلاي جازداعان قىزدى قۇتقارعان سەتٸنەن ۆيدەو تارادى. وقيعا نۇر-سۇلتان قالاسىندا بولعان, - دەپ حابارلايدى "ۇلت اقپارات".
تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, 11 مامىر ساعات 10.21-دە ۇلى دالا كٶشەسٸ 27/1 مەكەنجايىنداعى ٷيدٸڭ سەگٸزٸنشٸ قاباتىنداعى بالكوننىڭ ەرنەۋٸنە بالانىڭ ٸلٸنٸپ قالعانى تۋرالى حابارلاما تٷسكەن.
وقيعا ورنىنا جەكە قۇرامنىڭ 7 ادامى مەن 2 تەحنيكادان تۇراتىن نۇر-سۇلتان قالالىق تٶتەنشە جاعدايلار دەپارتامەنتٸنٸڭ بٶلٸمشەلەرٸ جٶنەلتٸلگەن.
"كەلگەن سەتتە سەگٸزٸنشٸ قاباتتاعى بالكوننىڭ ەرنەۋٸنە ٸلٸنگەن بالانى تٶمەنگٸ قاباتتا تۇراتىن ەر ادام قۇتقارعانى انىقتالدى. 2019 جىلى تۋعان قىز بالا تەرەزەدەن اۋىپ كەتكەن كەزدە ٷيدە ەشكٸم بولماعان. باقىتىمىزعا وراي, 1985 جىلى تۋعان ازامات, جەتٸنشٸ قاباتتا تۇراتىن سەبيت شونتاقباەۆ جىلاپ جاتقان بالانى كٶرٸپ, قۇتقارۋ بويىنشا ٸس-قيمىل جاساپ, ساناۋلى سەكۋندتاردا ونىڭ ٶمٸرٸن ساقتاپ قالدى", - دەپ حابارلادى تجد.
ەر ادام كٶرسەتكەن ەرلٸگٸ مەن باتىلدىعى ٷشٸن ماراپاتقا ۇسىنىلاتىنى اتاپ ٶتٸلدٸ.
"قۇرمەتتٸ اتا-انالار, بۇل بالا امان-ەسەن قۇتقارىلدى, بٸراق سوڭى قايعىمەن اياقتالعان كٶپتەگەن جاعدايلار بار. بالالاردى ەرەسەكتەردٸڭ قاراۋىنسىز قالدىرماڭىزدار! ەگەر ٷيدە كٸشكەنتاي بالا بولسا, تەرەزەلەردٸ اشىق تاستاماڭىزدار, ٶيتكەنٸ بالانىڭ ەرەكەت ەتۋٸ ٷشٸن بٸر سەكۋند جەتكٸلٸكتٸ", - دەپ قورىتىندىلادى قۇتقارۋشىلار.
