Epidemiologiialyq ahýaldyń qubylýyna bailanysty Qytaiǵa temirjol arqyly júk jóneltý keshigedi. Bul týraly ortalyq kommýnikatsiialar qyzmetiniń brifinginde «Qazaqstan temir joly» ulttyq kompaniiasynyń basqarma tóraǵasynyń birinshi orynbasary Qanat Álmaǵambetov málim etti, dep habarlaidy QazAqparat.
«Jalpy, pandemiia bastalǵannan beri Qytaimen aradaǵy júk tasymaly óte kúrdeli jaǵdaida tur. Byltyrǵy 15 qarashadan bastap olar jabyq vagondarda azyq-túlik júgin qabyldaýdy toqtatty. Muny jabyq vagondardyń ishinde virýs qaldyqtary bolý yqtimaldyǵymen bailanystyryp otyr. Aqpan aiynyń ortasynan bastap baiaý bolsa da, qabyldai bastaǵan. Búginde qazan men qarasha aiyna deiin tielgen júkterdi Qytai tarapyna berdik. Shekarada azyq-túlik tielgen jabyq vagondar qańtarylyp turǵan joq. Biraq Qytai temirjolshylary, Shyńjań uiǵyr avtonomiialyq aýdanynyń úkimeti azyq-túlik qaptalǵan jabyq vagonda jóneltýge tyiym saldy», - deidi Q.Álmaǵambetov.
Ulttyq kompaniia ókili osy shekteýge bailanysty qazaqstandyq júk jóneltýshiler azyq-túlik taýarlaryn Qytai tarapyna kerilmeli vagondar (binbeg-vagondar) arqyly jóneltýge qam jasap jatyr.
Al azyq-túlik túrine jatpaityn júkterge eshqandai tyiym joq kórinedi.
Degenmen, Qanat Álmaǵambetovtiń aitýynsha, Qytai boiynsha jalpy eksport pen tranzit boiynsha problemalar bar.
«Bul Qytai tarapynyń epidemiologiialyq jaǵdaidy qatań baqylaýǵa alýynan týyndap otyr. Memleketaralyq stansalardaǵy jumysshylardyń bári ár úsh kún saiyn PTR testileýden ótedi. Sanitarlyq-epidemiologiialyq baqylaý qyzmetkerlerinsiz vagondar ashylmaidy, konteinerler qaita tielmeidi. Munyń bári vagondar men poiyzdardyń Qytai jaǵýyna ótý qarqynyna áser etip otyr. «Dostyq» stantsiiasyna baǵyt alǵan 72 poiyz, Alakól stantsiiasyna baǵyt alǵan 25 poiyz qańtarylyp tur. Bul vagondarda negizinen mamyr-maýsym ailarynda tielgen astyq, koks pen ken bar», - dedi QTJ ókili.
