Qazaqstanda epidemiologiialyq jaǵdai turaqtanyp keledi. Memleket basshysy Qasym-Jomart Toqaevqa elimizdiń óńirlerindegi jaǵdai týraly baiandaǵan oblys ákimderi osylai deidi.
Bul týraly búgin óziniń Facebook paraqshasynda QR Prezidentiniń Baspasóz hatshysy Berik Ýáli jazdy, dep habarlaidy "Ult aqparat".
«Memleket basshysyna Nur-Sultan, Almaty, Shymkent qalalarynyń, Almaty, Aqmola, Aqtóbe, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanai, Qyzylorda, Mańǵystaý, Pavlodar, Soltústik Qazaqstan oblystarynyń ákimderi atalǵan óńirlerdegi sanitarlyq-epidemiologiialyq ahýal jaiynda baiandady», - dep jazdy Berik Ýáli.
Ákimderdiń aitýynsha, óńirlerde koronavirýspen aýyrǵandardyń qatary azaiyp, saýyǵyp shyqqan naýqastardyń sany kóbeigen. Jalpy jaǵdai turaqtalyp keledi. Tósek-oryndar men dári-dármekterdiń qory jasalǵan.
«Prezident ahýaldy qatań baqylaýda ustap, atalǵan mindetke basym baǵyt retinde mán berýdi tapsyrdy. Bul rette karantin sharalaryn saqtaýdyń mańyzdy ekeni jáne halyqqa túsindirý jumystaryn belsendi túrde júrgize berý kerektigi aityldy», - dep jazdy Baspasóz hatshysy.
