Almaty qalasy sanitariialyq-epidemiologiialyq baqylaý departamenti basshysynyń mindetin atqarýshynyń orynbasary Sádýaqas Baiǵabylov onlain brifing barysynda almatylyqtardy «Omikron» shtamy kelgenge deiin vaktsina alýǵa shaqyrdy, dep habarlaidy QazAqparat.
Epidemiolog Jańa jyl merekesi qarsańynda koronavirýs infektsiiasynyń taralý qaýpi artatynyn aitty.
Sonymen qatar, ol KVI-diń basqa nusqalaryna qaraǵanda jańa «Omikron» shtamy birneshe ese tez taralatynyn eske saldy.
«Tek 3 jeltoqsannan bastap Almatyǵa «Omikron» shtamy tirkelgen elderden, atap aitqanda Aýstraliia, Belgiia, Ulybritaniia, Germaniia, Egipet, Izrail, Italiia, Kanada, Niderland, Chehiiadan 3 678 aviajolaýshy keldi. Olardyń qoldarynda PTR taldaýynyń teris nátijeleri boldy. Ázirge jańa mýtatsiia tabylǵan joq», - dedi ol.
Sonymen qatar, ol qala turǵyndary sanitarlyq normalardy saqtaý máselelerine jaýapkershilikpen qaraý kerek ekenin basa aitty.
«Jańa jylda demalys kezinde elden ketpeý, bul kúnderdi otbasyńyzben ótkizgen durys, jabyq úi-jailarǵa, adamdar kóp jinalatyn oryndarǵa barýdan bas tartý, betperde kiiý usynylady», - deidi Sádýaqas Baiǵabylov.
Ol megapolis turǵyndaryn vaktsinatsiia pýnktterine kelip, «Omikron» shtamy paida bolǵan jaǵdaida aǵzany qorǵai alatyn koronavirýs vaktsinasyn saldyrýǵa shaqyrdy.
Onyń aitýynsha, Almatyda koronavirýsqa qarsy vaktsinalar indettiń jańa nusqasynan da qorǵaidy.
Sanitarlyq dárigerlerdiń epidemiologiialyq tájiribesi kórsetkendei, vaktsinalanǵan adamdar múldem aýyrmaidy nemese infektsiiany jeńil túrmen aýyrady.
