الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ مٸندەتٸن اتقارۋشىنىڭ ورىنباسارى سەدۋاقاس بايعابىلوۆ ونلاين بريفينگ بارىسىندا الماتىلىقتاردى «وميكرون» شتامى كەلگەنگە دەيٸن ۆاكتسينا الۋعا شاقىردى, دەپ حابارلايدى قازاقپارات.
ەپيدەميولوگ جاڭا جىل مەرەكەسٸ قارساڭىندا كوروناۆيرۋس ينفەكتسيياسىنىڭ تارالۋ قاۋپٸ ارتاتىنىن ايتتى.
سونىمەن قاتار, ول كۆي-دٸڭ باسقا نۇسقالارىنا قاراعاندا جاڭا «وميكرون» شتامى بٸرنەشە ەسە تەز تارالاتىنىن ەسكە سالدى.
«تەك 3 جەلتوقساننان باستاپ الماتىعا «وميكرون» شتامى تٸركەلگەن ەلدەردەن, اتاپ ايتقاندا اۋسترالييا, بەلگييا, ۇلىبريتانييا, گەرمانييا, ەگيپەت, يزرايل, يتالييا, كانادا, نيدەرلاند, چەحييادان 3 678 اۆياجولاۋشى كەلدٸ. ولاردىڭ قولدارىندا پتر تالداۋىنىڭ تەرٸس نەتيجەلەرٸ بولدى. ەزٸرگە جاڭا مۋتاتسييا تابىلعان جوق», - دەدٸ ول.
سونىمەن قاتار, ول قالا تۇرعىندارى سانيتارلىق نورمالاردى ساقتاۋ مەسەلەلەرٸنە جاۋاپكەرشٸلٸكپەن قاراۋ كەرەك ەكەنٸن باسا ايتتى.
«جاڭا جىلدا دەمالىس كەزٸندە ەلدەن كەتپەۋ, بۇل كٷندەردٸ وتباسىڭىزبەن ٶتكٸزگەن دۇرىس, جابىق ٷي-جايلارعا, ادامدار كٶپ جينالاتىن ورىندارعا بارۋدان باس تارتۋ, بەتپەردە كييۋ ۇسىنىلادى», - دەيدٸ سەدۋاقاس بايعابىلوۆ.
ول مەگاپوليس تۇرعىندارىن ۆاكتسيناتسييا پۋنكتتەرٸنە كەلٸپ, «وميكرون» شتامى پايدا بولعان جاعدايدا اعزانى قورعاي الاتىن كوروناۆيرۋس ۆاكتسيناسىن سالدىرۋعا شاقىردى.
ونىڭ ايتۋىنشا, الماتىدا كوروناۆيرۋسقا قارسى ۆاكتسينالار ٸندەتتٸڭ جاڭا نۇسقاسىنان دا قورعايدى.
سانيتارلىق دەرٸگەرلەردٸڭ ەپيدەميولوگييالىق تەجٸريبەسٸ كٶرسەتكەندەي, ۆاكتسينالانعان ادامدار مٷلدەم اۋىرمايدى نەمەسە ينفەكتسييانى جەڭٸل تٷرمەن اۋىرادى.
