Foto: Halyq Uni
Qazaqstannyń 10 óńirinde Eolus kompaniiasy atymen qarjy piramidasynyń qurylymdyq bólimsheleriniń basshylaryna qatysty qylmystyq ister tergelip jatyr, - dep habarlaidy "Ult aqparat" Qarjylyq monitoring agenttigine silteme jasap.
Ister Abai, Aqmola, Aqtóbe, Atyraý, Shyǵys Qazaqstan, Batys Qazaqstan, Jetisý oblystarynda, sondai-aq Almaty, Astana jáne Shymkent qalalarynda tirkelgen.
«Eolus» kompaniiasynyń shyn máninde jumys isteitininiń dáleli retinde, uiymdastyrýshylar «ENERGY EOLUS QAZAQSTAN» JShS bir azamattyń atyna tirkeý arqyly ony ózderiniń qylmystyq is-áreketine tartqan.
"Salymshylar qarajatty investitsiialaý kezinde aqshany alý úshin qajetti somany jinaqtai otyryp, kún saiyn 2,5-ten 3,5%-ǵa deiin paida alady.
Jańa paidalanýshy tartylǵan kezde salym somasynyń 10% mólsherinde birjolǵy aqshalai syiaqy, sondai-aq jańa paidalanýshynyń jyl ishindegi kúndelikti tabysynyń 4% tólenedi. Osylaisha, syiaqy somasy jyldyq 3000%-dy qurady.
Qazaqstandaǵy ókil aqsha qarajatyn ekinshi deńgeidegi banktegi óz shotyna qabyldaidy, sodan keiin kriptobirjaǵa aýdaryp, aiyrbastaý júrgizedi. Sońynda kriptokoshelek arqyly «energyeolus.top». platformasyndaǵy óz shotyna aýdarady" - delingen habarlamada.
Tartylǵan azamattardyń jalpy sany keminde 3 000 adam, onyń ishinde 1 773 salymshy 259 mln teńge somaǵa múliktik ziian keltirilgeni jaily ótinish bergen.
Agenttik qarjy piramidalaryn qurý qylmystyq jaýapkershilikke ákep soǵatynyn jáne múlki tárkilenip, 10 jylǵa deiingi merzimge bas bostandyǵynan aiyrý túrindegi jazany kózdeitinin eskertedi.
