Eýroodaq Ulybritaniia Briýsselge qoǵamdastyqtan shyǵý úshin shamamen 47,5 milliard eýro (56,2 milliard dollar) tóleýi kerek dep sanaidy. Bul týraly beisenbide Irlandiianyń RTE telearnasy EO-nyń 2020 jylǵa arnalǵan shoǵyrlandyrylǵan biýdjeti týraly aldyn ala esebine silteme jasap habarlady.
Áńgime Ulybritaniianyń EO-dan shyǵýy týraly sharttyń 140 jáne 143-baptaryn implementatsiialaý týraly bolyp otyr. Onda London 2020 jylǵy 31 jeltoqsandaǵy jaǵdai boiynsha túpkilikti nátijege jetkizilmegen birlesken jobalar men baǵdarlamalardy iske asyrý úshin Ulybritaniianyń qoǵamdastyq biýdjetinen bólingen qarajattyń bir bóligin Eýroodaqqa qaitarýǵa mindetteletini aitylǵan. Sonymen qatar, Birikken Koroldik qol qoiylǵan kelisimde EO sheneýnikterine saqtandyrý jáne zeinetaqy tólemderi boiynsha mindetteme aldy.
Endi bul somany qarasha aiynda Eýropalyq Esep palatasy bekitýi kerek.
Telearna atap ótkendei, 6,8 mlrd eýro kólemindegi birinshi transhty London kelesi jyly EO-ǵa jiberýge mindetteme aldy. Jalpy alǵanda, Brexit týraly shartqa sáikes tólemder birneshe onjyldyqqa bólinedi.
Ulybritaniia birneshe jylǵa sozylǵan kelissózderden keiin 2020 jyldyń 1aqpanyna qaraǵan túni Eýroodaqtan shyqty.
