Eýroodaq elderiniń elshileri sońǵy birneshe jylda bolǵan úsh kibershabýylǵa bailanysty Resei barlaý qyzmeti (GRÝ), Qytai jáne Soltústik Koreianyń kompaniialaryna sanktsiia salýdy maquldady.
Birneshe aqparat kózi 22 shildede Azattyq tilshisine EO elshileriniń GRÝ, qytailyq Huaying Haitai Science and Technology Development Co jáne soltústikkoreialyq Chosun Expo kompaniialarynyń aktivterin buǵattaý týraly sheshim qabyldaǵanyn aitty.
Aqparat kóziniń aitýynsha, buǵan qosa, odaq elshileri Qytai men Reseidiń alty azamatyna viza berýge tyiym salýdy josparlap otyr. EO WannaCry, NotPetya jáne Cloud Hopper kibershabýyldarynyń artynda osy adamdar tur dep esepteidi. Alty adamnyń aty-jóni ázirge belgisiz.
Bul sanktsiialar osy aidyń sońyna deiin qabyldanady. Osylaisha byltyr EO qabyldaǵan kibersanktsiia rejimin alǵash ret qoldanylyp otyr. Jańa rejim kibershabýyldarǵa qatysy bar uiymdar men jeke tulǵalarǵa vizalyq shekteý engizip, aktivterin buǵattaýǵa múmkindik beredi.
EO músheleri men álemdegi birqatar memleketter Resei, Qytai, Soltústik Koreianyń arnaiy qyzmetiniń qatysy bar kibershabýyldar nysany bolǵan.
