Reseige qarsy munai embargosy EO-nyń besinshi sanktsiialar paketine kirmeidi, biraq EO SIM basshylary ony 11 sáýirde qaraidy. Bul týraly EO-nyń Syrtqy ister jáne qaýipsizdik saiasaty jónindegi joǵarǵy ókili Hosep Borrel NATO SIM basshylarynyń kezdesýine kelgende málimdedi, dep habarlaidy QazAqparat TASS agenttigine silteme jasap.
«Munai embargosy qazirgi sanktsiialar paketine kirmeidi, biraq ministrler ony dúisenbi kúni qaraidy», - dedi Borrel.
Ol EO elshileriniń Reseige qarsy sanktsiialardyń besinshi paketin sársenbi kúni kelise almaǵanyn, biraq shekteýlerdiń bul blogyn búgin, joq degende erteń qaraitynyna úmittenetinin alǵa tartty.
«Besinshi sanktsiialar paketin aldymen turaqty ókilder, sodan keiin SIM basshylarynyń keńesi maquldaidy dep úmittenemin. Qazir qara tizimge kiretinder tizimin talqylap jatyr. Olar búgin nemese erteń qabyldanýy múmkin», - dedi ol.
Barrel osy aptanyń sońynda Eýropalyq komissiia basshysy Ýrsýla fon der Liaienmen birge Kievke baryp, jańa sanktsiialar paketin jariialaýǵa úmittenetinin eske saldy.
