Kókterek aýylynyń turǵyny qaqtyǵystyń saldarynan jermen jeksen bolǵan úi ornynda tur. Mamyr aiy 2021 jyl.
Eýroodaq Qyrǵyzstannyń Batken oblysynda qarýly qaqtyǵystan qaza bolǵandardyń otbasyna 170 myń eýro (17 mln som nemese shamamen 260 myń dollar) kóleminde gýmanitarlyq kómek beredi.
EO-nyń Qyrǵyzstandaǵy ókildigi qarjylai kómek Batken oblysynda qaqtyǵystan qatty zardap shekken aýdanda turatyn keminde alty myń turǵynǵa beriletinin habarlady. Kómek Qyrǵyzstandaǵy Qyzyl ai uiymy arqyly úlestiriledi, dep jazady Azattyq.
"Turǵyndarǵa budan bólek, búlingen úilerdi jóndeý úshin materialdar, alǵashqy kómek zattary, gigiena, turmystyq zattar beriledi" dedi Eýroodaqtyń Qyrǵyzstandaǵy ókildigi.
28-30 sáýirde qyrǵyz-tájik shekarasynda bolǵan qarýly qaqtyǵystan 154 adam zardap shekken, 36 adam qaza bolǵan. Arasynda balalar da bar. Tájik biligi 19 adamnyń mert bolǵanyn, 87 adamnyń jaralanǵanyn habarlady.
Qyrǵyzstannyń Batken oblysynda 136 úi, birqatar mektepter men shekara beketteri qiraǵan. Shamamen 58 myń adam úilerinen qashýǵa májbúr bolǵan. Tájikstan 14 úidiń tolyq qiraǵanyn, eki úi men bir sharýashylyq nysanynyń jartylai buzylǵanyn habarlady. Shamamen 15 myń adam qaqtyǵys aimaǵynan evakýatsiialanǵan. Eki tarap bir-birin kinálap, aýyr baptar boiynsha qylmystyq is qozǵady.
