Eýroodaq Qazaqstannyń «C5+1» formatyna - Ortalyq Aziianyń bes memleketi men AQSh dialogyna múddeliligin qoldaidy. Bul jaily QazAqparatqa bergen suhbatynda Eýroodaqtyń Ortalyq Aziia jónindegi arnaýly ókili Peter Býrian aitty.
«Eýropa odaǵy Qazaqstannyń Ortalyq Aziianyń bes memleketi men AQSh dialogyna múddeliligin qoldaidy. Biz basqa áriptestermen de tyǵyz bailanystar ornatýǵa daiynbyz. Sonymen qatar óńirdegi kez kelgen geosaiasi básekelestikti boldyrmaýdy qalaimyz», - deidi diplomat.
«EO Qazaqstannyń BUU QK turaqty emes ókili retinde belsendi qimyldaryna rizashylyq bildiredi. EO syrtqy ister jáne saiasat jónindegi Joǵarǵy ókili Federiko Mogerini men QR Syrtqy ister ministri Qairat Ábdrahmanov arasyndaǵy kelissózder kezinde kóptegen mańyzdy máseleler talqylandy. Qazaqstannyń óńirlik qaýipsizdikke, Aýǵanstan máselesin retteýge kóńil bólip otyrǵanyn erekshe atap ótemiz», - deidi Peter Býrian.
