Eýropalyq odaq Irannyń ýrandy baiytý kólemi men deńgeiin shekteýge baǵyttalǵan iadrolyq kelisimnen bas tartqanyna ókinish bildirdi.
Bul týraly óziniń Twitter-degi mikroblogynda Eýropalyq Odaqtyń Shetel isteri jáne qaýipsizdik saiasaty jónindegi joǵary ókili Jozep Borrel jazdy, dep habarlaidy QazAqparat.
«Irannyń Jan-jaqty qamtylǵan birlesken is-qimyldar jospary boiynsha jasaǵan sońǵy sheshimine ókinish bildiremiz. Biz ádettegidei MAGATE tarapynan jasalatyn monitoringtiń nátijelerine úmit artamyz», - dep jazdy ol dúisenbi kúni.
«Óńirlik jáne jahandyq qaýipsizdik úshin iadrolyq kelisimdi tolyq iske qosý ásirese búgingi tańda eń mańyzdy máselelerdiń biri», - degen pikirin bildirdi EO diplomatiiasynyń basshysy.
J.Borrel máseleniń sheshimin tabý úshin qyzyǵýshylyq tanytqan barlyq taraptarmen jumysty jalǵastyra beretinin aitty.
Aita keteiik, 2015 jyldyń shilde aiynda BUU Qaýipsizdik Keńesi Irannyń iadrolyq baǵdarlamasy boiynsha jahandyq qyryp-joiý qarýlaryn taratpaýdyń sheshýshi quraly bolyp tabylatyn Jan-jaqty qamtylǵan birlesken is-qimyldar josparyn (JQBIJ) biraýyzdan maquldaǵan bolatyn.
JQBIJ Iran jáne halyqaralyq qoldaýshy «altylyq» (AQSh, Frantsiia, Ulybritaniia, Germaniia, Qytai, jáne Resei) arasynda jasalǵan bolatyn.
Tegeran sanktsiialar alynyp tastalǵan jaǵdaida, atom salasynda óziniń óndirisin shekteýge kelisti.
2018 jyly sanktsiialardy qaita iske qosqan AQSh JQBIJ-den shyǵyp ketti. Buǵan jaýap retinde Tegeran iadrolyq kelisim aiasyndaǵy óziniń mindettemelerin shektei bastady.
Irannyń Syrtqy ister ministrligi jeksenbi kúni keshkisin JQBIJ-dan bas tartý boiynsha óziniń kezekti qadamyn jasady. Endi Irannyń iadrolyq baǵdarlamasynda kólem men deńgeige qatysty eshqandai shekteýler bolmaidy.
