Osydan birneshe jyl buryn bir bozbala T.Júrgenov atyndaǵy Óner akademiiasynyń «estradalyq vokal» bóliminiń stýdenti atanyp, óner oshaǵynyń dálizinde ótip bara jatyp rektordyń kózine túsedi. Mine, osy kezdesý bul jigittiń ónerdegi jolyn ózge arnaǵa buryp, «mýzykalyq teatr akteri» mamandyǵyna aýysyp, jańa mamandyqqa esik ashylady. Bul jigit qazirgi kezdegi Astana qalasy ákimdiginiń Mýzykalyq jas kórermender teatrynyń akteri Ermahan Aimahan bolatyn.
Ermahan Aimahan-energetikaǵa toly akter. Onyń syrtqy jáne ishki akterlik tehnikasy erekshilikke toly. Oiyn barysynda sezim men emotsiiany basqarý, senim men shynaiylyq Ermahannyń akterlik sheberliginiń aiqyn dáleli. Sózimizge, Ermahannyń teatrdaǵy kórermen kózine erekshe túsetin beinesi-Ǵ.Músirepovtiń «Qyz Jibek» etno-miýziklindegi Shege róli aiǵaq bola alady. Shege-Ermahan Tólegenniń adal dosy, joldasy ári senimdi serigi. Ol kórermenge rýhani tynys beretin keiipker rólin atqarady. Shege – «Qyz Jibek» etno miýziklindegi eń jarqyn keiipkerlerdiń biri. Ermahannyń Shege beinesi arqyly qazaqtyń ázil-qaljyńy, dostyqqa beriktigi men ómirge degen optimizmi kórinis tabady.
Ermahan-Shegeniń energiiaǵa toly áreketi, jalyndy sózi, mimikasy keiipker minezine shyrai berdi. Al Ermahan oryndaýyndaǵy «Shegeniń ariiasy» kelýshi kórermendi elitetini anyq. Qazaq teatrynda eń alǵash Shámshi beinesin Nurai Tanabaevtan bastap, qanshama akterler ózinshe nusqalaǵan bolatyn. Al Ermahannyń «Ǵashyq Shámshi» keiipkeri jeke tulǵalyq bolmysy arqyly óz harizmasymen, daralyǵymen erekshelenedi. Ermahan-Ǵashyq Shámshi beinesi- jasampaz rýhtyń simvoly. Ol shynaiy mahabbatty bastan ótkerip qana qoimai, ony óner tiline ainaldyrdy. Onyń ǵashyqtyq álemi, ádemi qiial men saǵynyshqa toly.
Ermahan-Ǵashyq Shámshi beinesi- bul jai ǵana bir adamnyń portreti emes, ol qazaqtyń mahabbat filosofiiasy, ónerdiń máńgilik rýhy, júrek pen sazdyń qosylýy. Ol úshin mahabbat- ómirdiń máni, shabyttyń kózi. Ǵashyq Shámshi-Ermahan sezimge jeńil qaramaidy. Ol úshin mahabbat – qasietti, rýhani taza qubylys. Mine, Ermahan osyny eskeredi. Qazaq teatrynyń negizin salýshylardyń biri, Abai beinesin tuńǵysh keskindegen Qalibek Qýanyshbaev: «Rólge jan bermeseń, ol ról ólgen dene siiaqty»-deidi. Al Ermahan rólge jan bitirip, qaharmanyn ózgeshe qubyltady. Ermahannyń oiynyn kórgen kezde K.
Stanislavskiidiń: «Ónerde shyndyq bar jerde ǵana áser bar»-degen sózi esimizge túsedi. Ermahan kórermenge ár rólin shynaiy jetkize biledi. Boiynda esh jasandylyq joq. Qazirgi zaman akterine basty qajettilik osy. Ermahannyń shyǵarmashylyq jetistikteri de, az emes emes. 2024 jyly «Jańa Qazaqstannyń Jyl adamy» respýblikalyq baiqaýynyń jeńimpazy atandy. Odan bólek, «Beiimbet Mailin 125 jyl» arnaiy tós belgisiniń iegeri atandy.
Kezinde shyraily Shymkentten, araily Alataýǵa arman qýyp kelgen Ermahan aiaq asty mamandyǵyn ózgertip, Elordadaǵy jas teatrdyń negizin qalaitynyn oilady me eken?
