Energetika ministrligi 41 munai-gaz ýchaskesin aýktsionǵa qoidy. Saitta kómirsýtekter boiynsha jer qoinaýyn paidalaný quqyǵyn berý boiynsha aýktsion ótkizý týraly habarlama jariialandy, - dep habarlaidy "Ult aqparat" vedomstvoǵa silteme jasap.
"Qazaqstan Respýblikasy Energetika ministrligi Qazaqstan Respýblikasynyń quzyretti organy retinde, kómirsýtekter boiynsha jer qoinaýyn paidalaný quqyǵyn alýǵa arnalǵan elektrondyq aýktsion jariialaidy. Jer qoinaýyn paidalaný quqyǵyn alýǵa arnalǵan aýktsion elektrondyq aýktsiondar operatorynyń saitynda ótkiziledi: www.gosreestr.kz", - delingen habarlamada.
Vedomstvo málimetinshe, aýktsion ótkizý ýaqyty – 2022 jylǵy 23 jeltoqsan. Aýktsion Astana ýaqyty boiynsha saǵat 10:00-den 17:00-ge deiingi kezeńde ótkiziledi.
Aýktsionǵa qatysýǵa ótinimder berý merzimi 2022 jylǵy 23 qarashany qosa alǵanda, elektron aýktsiondar operatory saitynda qabyldanady.
