2025 jylǵa deiin munai-gaz-himiiany damytý jónindegi ulttyq joba ázirlenedi. Bul týraly Úkimet otyrysynda QR Energetika ministri Nurlan Noǵaev aitty, dep habarlaidy QazAqparat.
«Memleket basshysy iske asyrylyp jatqan munai-gaz-himiia óndiristerin jedeldetý jónindegi sharalardy qabyldaý, sondai-aq áleýetti investorlar úshin tartymdy jaǵdailar jasaý mindetin qoidy. Bul máselelerdi sheshý úshin birinshiden 2025 jylǵa deiin munai-gaz-himiiany damytý jónindegi ulttyq joba ázirlenedi. Bul joba problemalyq máselelerdi sheshýge basa nazar aýdara otyryp, salany naqty damytýǵa múmkindik beredi. Atap aitqanda: munai-gaz-himiia jobalaryn shikizatpen qamtamasyz etý; munai-gaz-himiia klasterin qurý; odan ári qaita bólýdi damytý», - dedi ministr.
Onyń aitýynsha, ekinshiden, Úkimet pen investor arasynda qol qoiylatyn jeke kelisimge munai-gaz-himiiamen qatar kómirsýtegi shikizaty jobalary da kiredi. Atalǵan másele qazirgi tańda pysyqtalýda jáne jaqyn arada usynystar joldanbaq.
«Úshinshiden, bul sharalar 2025 jylǵa qarai 5 zaýyttyń qurylysyn aiaqtaýǵa múmkindik beredi. Bul rette mynadai nátijelerdi kútýge bolady: óndiris kólemi 9 esege artady; el ekonomikasyna boljamdy áser qosymsha +1,2 paiyz. Osylaisha, bazalyq munaigaz-himiia ónimderin óndirý munai-gaz salasyndaǵy tereń óńdeýdi damytý úshin berik negiz bola tura, shikizat ekonomikasyn ártaraptandyrý jáne tehnologiialyq damýǵa umtylý jónindegi strategiiamyzǵa sáikes keledi», - dedi Nurlan Noǵaev.
