Energetika ministri Bolat Aqsholaqovtyń aitýynsha, Qazaqstannan Ázerbaijan Respýblikasy arqyly munai tasymaldaý josparlanyp otyrǵan joq, dep habarlaidy Ulysmedia.kz.
Ministrdiń pikirinshe, ulttyq kompaniialar arasynda mundai másele talqylanýy múmkin. Biraq Energetika ministrliginde dál osyndai kelisimge qol qoiý máselesi josparlanbaǵan.
«Mundai aqparatty oqydym. Biraq mundai máseleler tehnikalyq turǵydan ulttyq kompaniialar deńgeiinde qarastyrylyp, talqylanatynyn aitqym keledi. Óitkeni talap sondai. Másele qyrkúiek aiynda munai jóneltý jónindegi kelisimge qol qoiý týraly bolyp otyrǵan joq», - dep málim etti Bolat Aqsholaqov.
Ol talqylanyp jatqan bul másele eksport máselesin sheshýge kómektespeýi múmkin ekendigin aitty.
«Aqparattyq resýrsta aitylyp jatqan kólemmen bizdiń eksporttyq baǵyttaǵy problemany sheshý aqylǵa syimaidy. Nege? Óitkeni, birinshiden, atalǵan baǵytpen 1,5 mln tonna munaidy eksporttaý qazirgi ahýaldy aitarlyqtai jeńildetpeidi. Ekinshiden, bizdiń ministrlikte dál mundai kelisimge qol qoiý jospary joq», - dedi ministr.
