ەنەرگەتيكا مينيسترٸ بولات اقشولاقوۆتىڭ ايتۋىنشا, قازاقستاننان ەزەربايجان رەسپۋبليكاسى ارقىلى مۇناي تاسىمالداۋ جوسپارلانىپ وتىرعان جوق, دەپ حابارلايدى Ulysmedia.kz.
مينيستردٸڭ پٸكٸرٸنشە, ۇلتتىق كومپانييالار اراسىندا مۇنداي مەسەلە تالقىلانۋى مٷمكٸن. بٸراق ەنەرگەتيكا مينيسترلٸگٸندە دەل وسىنداي كەلٸسٸمگە قول قويۋ مەسەلەسٸ جوسپارلانباعان.
«مۇنداي اقپاراتتى وقىدىم. بٸراق مۇنداي مەسەلەلەر تەحنيكالىق تۇرعىدان ۇلتتىق كومپانييالار دەڭگەيٸندە قاراستىرىلىپ, تالقىلاناتىنىن ايتقىم كەلەدٸ. ٶيتكەنٸ تالاپ سونداي. مەسەلە قىركٷيەك ايىندا مۇناي جٶنەلتۋ جٶنٸندەگٸ كەلٸسٸمگە قول قويۋ تۋرالى بولىپ وتىرعان جوق», - دەپ مەلٸم ەتتٸ بولات اقشولاقوۆ.
ول تالقىلانىپ جاتقان بۇل مەسەلە ەكسپورت مەسەلەسٸن شەشۋگە كٶمەكتەسپەۋٸ مٷمكٸن ەكەندٸگٸن ايتتى.
«اقپاراتتىق رەسۋرستا ايتىلىپ جاتقان كٶلەممەن بٸزدٸڭ ەكسپورتتىق باعىتتاعى پروبلەمانى شەشۋ اقىلعا سىيمايدى. نەگە? ٶيتكەنٸ, بٸرٸنشٸدەن, اتالعان باعىتپەن 1,5 ملن توننا مۇنايدى ەكسپورتتاۋ قازٸرگٸ احۋالدى ايتارلىقتاي جەڭٸلدەتپەيدٸ. ەكٸنشٸدەن, بٸزدٸڭ مينيسترلٸكتە دەل مۇنداي كەلٸسٸمگە قول قويۋ جوسپارى جوق», - دەدٸ مينيستر.
