QR Energetika ministrligi munai-gaz ken oryndary jer qoinaýyn igerýge qatysty 27 kelisimshart jasasqan. Bul týraly atalǵan vedomstvonyń basshysy Bolat Aqsholaqov aitty, dep habarlaidy QazAqparat.
«Igerilip jatqan ken oryndary – kontsessiialyq ken orny. Árbir kelisimsharttyń merzimi bar. Teńiz kelisimsharty 2033 jyly aiaqtalady, 10 jyldan sál asatyn merzim qaldy. Ol ózdiginen bitedi. Kelisimshart tabysty, salyq tólep otyr. Ken oryndary jekemenshikke emes, ýaqytsha ǵana beriledi», - dedi Bolat Aqsholaqov Senatty ótken Úkimet saǵatynan keiin BAQ ókilderiniń saýalyna orai.
Onyń aitýynsha, qazirgi ýaqytta ministrlik qoldaǵy barlyq kelisimshartty qarastyryp jatyr.
«Memleket basshysynyń tapsyrmasy bar, qazir búkil kelisimshartty qarastyryp jatyrmyz. Beijai qaraityndar, mindettemesin oryndamaityndar, paidalanýǵa berý merzimin sozyp jiberetinderdiń kelisimsharty keri qaitarylady. Qazirdiń ózinde 27 kelisimshart bar. Onyń búginde tórteýi buzyldy. Bul jumys bir nárseni memleket múlkine ainaldyrý úshin emes, zań buzýshylarmen júrgizilip jatyr. Kelisimshartty buzý - sońǵy shara. Biz barlyǵymen jumys istep jatyrmyz. Eger oryndalmasa, tipti oryndaýǵa nieti bolmasa, onda árine, kelisimshartty buzamyz. Bul - memlekettiń quqyǵy», - dedi ministr.
