قر ەنەرگەتيكا مينيسترلٸگٸ مۇناي-گاز كەن ورىندارى جەر قويناۋىن يگەرۋگە قاتىستى 27 كەلٸسٸمشارت جاساسقان. بۇل تۋرالى اتالعان ۆەدومستۆونىڭ باسشىسى بولات اقشولاقوۆ ايتتى, دەپ حابارلايدى قازاقپارات.
«يگەرٸلٸپ جاتقان كەن ورىندارى – كونتسەسسييالىق كەن ورنى. ەربٸر كەلٸسٸمشارتتىڭ مەرزٸمٸ بار. تەڭٸز كەلٸسٸمشارتى 2033 جىلى اياقتالادى, 10 جىلدان سەل اساتىن مەرزٸم قالدى. ول ٶزدٸگٸنەن بٸتەدٸ. كەلٸسٸمشارت تابىستى, سالىق تٶلەپ وتىر. كەن ورىندارى جەكەمەنشٸككە ەمەس, ۋاقىتشا عانا بەرٸلەدٸ», - دەدٸ بولات اقشولاقوۆ سەناتتى ٶتكەن ٷكٸمەت ساعاتىنان كەيٸن باق ٶكٸلدەرٸنٸڭ ساۋالىنا وراي.
ونىڭ ايتۋىنشا, قازٸرگٸ ۋاقىتتا مينيسترلٸك قولداعى بارلىق كەلٸسٸمشارتتى قاراستىرىپ جاتىر.
«مەملەكەت باسشىسىنىڭ تاپسىرماسى بار, قازٸر بٷكٸل كەلٸسٸمشارتتى قاراستىرىپ جاتىرمىز. بەيجاي قارايتىندار, مٸندەتتەمەسٸن ورىندامايتىندار, پايدالانۋعا بەرۋ مەرزٸمٸن سوزىپ جٸبەرەتٸندەردٸڭ كەلٸسٸمشارتى كەرٸ قايتارىلادى. قازٸردٸڭ ٶزٸندە 27 كەلٸسٸمشارت بار. ونىڭ بٷگٸندە تٶرتەۋٸ بۇزىلدى. بۇل جۇمىس بٸر نەرسەنٸ مەملەكەت مٷلكٸنە اينالدىرۋ ٷشٸن ەمەس, زاڭ بۇزۋشىلارمەن جٷرگٸزٸلٸپ جاتىر. كەلٸسٸمشارتتى بۇزۋ - سوڭعى شارا. بٸز بارلىعىمەن جۇمىس ٸستەپ جاتىرمىز. ەگەر ورىندالماسا, تٸپتٸ ورىنداۋعا نيەتٸ بولماسا, وندا ەرينە, كەلٸسٸمشارتتى بۇزامىز. بۇل - مەملەكەتتٸڭ قۇقىعى», - دەدٸ مينيستر.
