Respýblikalyq elektrondyq densaýlyq saqtaý ortalyǵy departamentiniń direktory Daniiar Maqashev koronavirýsqa qatysty biryńǵai statistikaǵa kóshý týraly pikir bildirdi, dep habarlaidy QazAqparat.
«Málimetterdi tirkeý turǵysynan alyp qaraǵanda bul tásilge kóshý 1 tamyzdan bastap júzege asqany durys boldy», - deidi Daniiar Maqashev.
Onyń aitýynsha, bizdiń memleket statistikany biriktirý týraly DDSU usynysyn shilde aiynyń basynda alǵan.
«Diagnozdy emdeýge arnalǵan hattamada Dúniejúzilik densaýlyq saqtaý uiymy dál osy koronavirýsty esepke alý bólimin usynǵan jáne 15 shilde kúni biz diagnozdy emdeýdiń ishki hattamaǵa engizgen bolatynbyz. Tiisinshe, biz meditsina qyzmetkerlerin oqytýdyń daiyndyq kezeńinen óttik - ony da eskerý kerek. Shilde aiynda barlyq meditsinalyq qyzmetkerlerdi durys esep júrgizýge úiretetin seminarlar ótkizildi. Endi koronavirýs týraly málimetter naqtyraq bolady», - deidi ol.
