Búgin Beijińdegi XXIV Qysqy Olimpiada oiyndary aiaqtaldy. Endi 2026 jylǵy Aq Olimpiada Italiianyń Milan jáne Kortina-d'Ampetstso qalalarynda ótedi, dep habarlaidy QazAqparat.
Ol týraly Halyqaralyq Olimpiada komitetiniń 134-shi sessiiasynda belgili boldy. Qysqy oiyndardyń astanasy HOK músheleriniń daýys berýi arqyly anyqtalǵan. Sol tusta 2026 jylǵy Qysqy Olimpiadany ótkizýge Italiianyń Milan jáne Kortina-d'Ampetstso qalalarynan bólek, Stokgolm men Ore úmitker atanǵan edi.
Alǵashynda 2026 jylǵy Olimpiadany ótkizýge jeti qala úmitti bolǵan. Finaldyq kezeńge deiin eki úmitker qaldy. Nátijesinde Italiia jeńiske jetti.
2026 jylǵy Olimpiada oiyndarynyń ashylýy 6 aqpanǵa josparlanǵan.
Búgin Beijiń Olimpiadasynyń jabylý rásiminen keiin Olimpiada estafetasyn Beijińnen 25-kezekti oiyndar ótetin Italiianyń Milan jáne Kortina-d’Ampetstso qalalary qabyldap alady.
