Foto: Zakon.kz
Májilis keibir zańnamalyq aktilerge qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl máseleleri boiynsha ózgerister men tolyqtyrýlar engizý týraly zań jobasyn birinshi oqylymda qaralyp jatyr, dep habarlaidy Ult.kz inbusiness.kz-ke silteme jasap.
Qujatty Qarjylyq monitoring agenttigi tóraǵasynyń orynbasary Jeńis Elemesov tanystyrdy.
"Qarjylyq qylmystar ekonomikalyq turaqtylyq negizderine shabýyl jasaidy. Kásibi jylystatýshylar ózderiniń qylmystyq kiristerin zańdastyrý úshin kúnnen kúnge kúrdelene túsetin shemalardy qoldanady, osy jumysty qiyndatady. jáne de zańnamanyń jańa syn-qaterlerge únemi beiimdelýin talap etedi", - dedi agenttik ókili.
Zańnamaǵa birneshe ózgerister engizý usynylyp otyr.
Birinshisi – Qarjylyq monitoring organdarynyń ókilettikterin kúsheitý.
"Zań jobasymen agenttikke qylmystyq kiristerdi jylystatý jáne zańsyz qyzmetti qarjylandyrý táýekelderin anyqtaý turǵysynan kommertsiialyq emes uiymdardyń kúdikti operatsiialaryna taldaý jáne monitoring júrgizý jónindegi mindetteme júkteledi. Bul bizge qaýip-qaterlerge jedel áreket etýge jáne olardy josparlaý kezeńinde qarjylyq qylmystardyń jolyn kesýge múmkindik beredi. Budan basqa, uialy bailanys operatorlary men "Azamattarǵa arnalǵan úkimet" qarjylyq monitoringtiń jańa sýbektileri bolady", - dedi agenttik tóraǵasynyń orynbasary.
Jeńis Elemesovtiń sózinshe, uialy bailanys operatorlary mobildi teńgerimdi tolyqtyrý týraly, al "Azamattarǵa arnalǵan úkimet" notariýstardaǵy mámilelerge uqsas jyljymaityn múlikpen 50 mln teńgeden astam somaǵa jasalatyn mámileler boiynsha aqparat beretin bolady.
Bul quraldar kúdikti operatsiialardy tiimdirek anyqtaýǵa jáne jolyn kesýge yqpal etedi, dep túsindirdi ol.
