Búgin QR Bas sanitar dárigeri Jandarbek Bekshin Almaty oblysynyń Panfilov aýdanyndaǵy úsh shekara beketinde ornalasqan meditsinalyq pýnktilerdi tekserdi, dep habarlaidy "Ult aqparat" Panfilov aýdany ákiminiń baspasóz qyzmetine silteme jasap.
Qazirgi ýaqytta «Qorǵas» shekara mańy halyqaralyq yntymaqtastyq ortalyǵy naýryzdyń birine deiin jabyq tur. Al jolaýshylar tasymaly toqtaǵan «Nur joly» men «Altynkól» beketterinde sanitar-epidemiolog mamandar kúsheitilgen rejimge kóshken.
Qazir Jarkent qalasynda 100 adamǵa arnalǵan arnaiy sanitarlyq oqshaýlaý orny daiyn. Sondai-aq, qajet bola qalǵan jaǵdaida qoldanylatyn qosymsha 160 oryn qarastyrylǵan. Barlyq sanitar-epidemiologtar tolyq meditsinalyq jabdyqpen qamtamasyz etilgen.
«Aqpannyń 20-synan bastap Qytaidan kelgen adamdardyń barlyǵy 14 kúnge deiin arnaiy sanitarlyq orynda bolady. Óitkeni bul virýsty juqtyrǵan adamnan birden eshqandai syrqat belgileri baiqalmaýy múmkin. Koronavirýstyń aǵzadaǵy jasyryn kezeńi 14 kúnnen 24 kúnge deiin sozylý faktisi anyqtalǵan. Qytaidan ótken azamattar 14 kún jatyp shyqqannan keiin de on kún tolyq baqylaýda bolady. Sol sebepti saqtyq sharalary júrgizilip jatyr», -dedi Jandarbek Bekshin.
