Foto: gov4c.kz
2026 jylǵy 1 qańtardan bastap Qazaqstannyń elshilikteri, konsýldyqtary jáne basqa da sheteldegi mekemeleri shetel azamattaryna JSN berýdi toqtatady, - dep habarlaidy Qazaqstannyń Reseidegi elshiligi.
Elshiliktiń málimetinshe, shetel azamattaryna jeke sáikestendirý nómirin (JSN) berý jónindegi qoldanystaǵy pilot jobanyń merzimi 2025 jylǵy 31 jeltoqsanǵa deiin belgilengen.
"2026 jylǵy 1 qańtardan bastap Qazaqstannyń sheteldegi mekemeleri shetel azamattaryna JSN bermeidi", – delingen elshilik habarlamasynda.
Sonymen qatar, Qazaqstannyń ýákiletti memlekettik organdary sheteldikter úshin eResidency baǵdarlamasyn engizdi. Bul baǵdarlama Qazaqstanǵa kelmei-aq, memlekettik qyzmetter men servisterdi onlain formatta alýǵa múmkindik beredi. Sonyń ishinde JSN kórsetilgen tsifrlyq ID-kartany rásimdeý qarastyrylǵan.
"Baǵdarlama shetel azamattaryna Qazaqstanda resmi tsifrlyq mártebe alýǵa jol ashady, bul eldiń biznes múmkindikteri men onlain servisterine qol jetkizýge múmkindik beredi", – dep habarlady elshilikte.
Atap aitqanda, baǵdarlama mynalardy qamtidy:
- JSN-i bar tsifrlyq ID-karta alý;
- qor naryqtaryna, kriptobirjalarǵa qol jetkizý, Qazaqstan nómiri bar eSIM rásimdeý;
- elektron tsifrlyq qoltańba (ETsQ) jáne saqtandyrý qyzmetterin rásimdeý;
- Qazaqstan kartalaryn paidalana otyryp, bank shottaryn onlain ashý;
- salyq rezidenttigin alý múmkindigi jáne barlyq tólem servisterine ekvairing qosý.
Shetel azamattaryna JSN alý máselesi boiynsha eresidency.gov.kz resmi saityna júginý usynylady. Onda barlyq tolyq aqparat berilgen.
