Endi qazaqstandyqtar júrgizýshi kýáligin elektrondyq úkimet portalynda aýystyra alady. Bul qyzmet Astana, Almaty qalalary men oblys ortalyqtarynyń turǵyndaryna usynylady, - dep habarlaidy Tengrinews.kz tilshisi "Azamattarǵa arnalǵan úkimet" kommertsiialyq emes aktsionerlik qoǵamnyń baspasóz qyzmetine silteme jasap.
Baspasóz qyzmetiniń málimetinshe, júrgizýshi kýáligin onlain tártipte aýystyrý úshin elektrondyq-tsifrlyq qoltańba (ETsQ) qajet. Qyzmet alýshy egov.kz portalynda avtorizatsiiadan ótkennen keiin elektrondyq ótinishti toltyryp, ETsQ-men qol qoiýy tiis. Ótinishpen qosa fotosýret pen qoiǵan qolynyń skan-sýretin de joldap, sondai-aq memlekettik baj salyǵyn tóleý kerek.
Aita keteiik, júrgizýshi kýáliginiń baj salyǵy - 1,25 AEK (3007 teńge).
"Qyzmetti onlain tártipte rásimdegennen keiin jeke kabinettegi "Qyzmetterdi alý tarihy" bóliminen toltyrylǵan elektrondyq ótinishti jáne "Qyzmetterdi tóleý tarihy" bóliminen memlekettik baj salyǵyn tóleý týraly elektrondyq chekti basyp shyǵarý kerek.
Sosyn daiyn qujatty alyp ketý úshin turǵylyqty jerde ornalasqan mamandandyrylǵan HQO-ǵa nemese jol politsiiasynyń TEB-ne bara berýińizge bolady. Ózińizben birge qaǵazǵa basyp shyǵarylǵan ótinish pen chekti, aýystyratyn júrgizýshi kýáligin, jeke basyńyzdy kýálandyratyn qujat, psihiatrlyq jáne narkologiialyq dispanserden anyqtama, 083-nysandaǵy meditsinalyq anyqtamany aparý qajet", - dep habarlady "Azamattarǵa arnalǵan úkimet" baspasóz qyzmetiniń ókilderi.
