Foto: Pexels.com
Qazaqstan Respýblikasynyń Densaýlyq saqtaý ministrligi «depressiia» diagnozy qoiylǵan azamattarǵa da ýaqytsha eńbekke jaramsyzdyq paraǵyn ashýǵa bolatynyn rastady, dep habarlaidy Ult.kz EL.INFO-ǵa silteme jasap.
Vedomstvo málimetinshe, mundai sheshimdi psihiatr-dáriger qoiady, alaida bastapqy belgilerdi jalpy praktika dárigeri nemese psiholog ta anyqtai alady.
Ministrlik túsindirgendei, jeńil dárejedegi depressiia kezinde dáriger adamnyń eńbek qabileti ýaqytsha shektelgenin anyqtasa, oǵan bolnichnyi paraǵy beriledi.
Al orta jáne aýyr deńgeidegi depressiia jaǵdaiynda emdelý statsionarda, iaǵni aýrýhanada júrgiziledi.
Psihiatr Nabi Esimovtyń aitýynsha, depressiia naqty diagnoz retinde tek úsh negizgi belgi bolǵanda qoiylady:
-
kóńil kúidiń eki aptadan artyq tómen bolýy;
-
oilaý men nazar shoǵyrlanýynyń álsireýi;
-
baiaý qimyl-qozǵalys pen kúndelikti is-áreketterdi oryndaýdaǵy qiyndyqtar.
Mamannyń sózinshe, der kezinde dárigerge júginý men kásibi kómek alý — jazylýdyń basty kepili.
