Qostanaida moinynan pyshaq jaraqatyn alǵan it qan joǵaltýdan óldi. Janýardy eriktiler páterden taýyp, klinikaǵa jetkizgenimen, aman alyp qala almady. Bul derek boiynsha qylmystyq is qozǵaldy, dep habarlaidy ult.kz.
Almaty.tv arnasynyń málimetinshe, erikti Anastasiia Serikovanyń aitýynsha, kórshiler janýarǵa qatygezdik kórsetilgenin habarlaǵan. Páter iesi esikti uzaq ýaqyt ashpaǵan soń, ol politsiia shaqyrǵan.
«Ittiń jaǵdaiy óte aýyr edi. Moinynda tesip-kesilgen jaraqattar boldy. Biz ony klinikaǵa jetkizdik, biraq ol sol jerde óldi», – dedi erikti.
Politsiia kúdiktini anyqtap, bólimge jetkizdi. Qazir oqiǵanyń mán-jaiy tergelip jatyr. Quqyq qorǵaý organdary turǵyndardy janýarlarǵa qatygezdik kórsetý derekteri týraly 102 nómirine habarlaýǵa shaqyrdy.
Al zooeriktiler Qostanai kóshelerinde iri tuqymdy itterdiń qaraýsyz júrýi jiilegenin aitady. Sondai-aq janýarlardy satý, chipteý jáne ósirýshilerdiń qyzmetin baqylaý máselesine nazar aýdarý qajet ekenin alǵa tartady.
