Endi iOS 14 qoldaityn iPhone 6 jáne odan keiingi quraldarda "+77" jáne "+76" halyqaralyq kodtardan túsetin qońyraýlar "Qazaqstan" dep kórsetiledi.
Bul týraly tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Facebook-paraqshasynda habarlady.
"Apple kompaniiasymen birge kópshilikti alańdatqan bir máseleni rettedik - endi "+77" jáne "+76" halyqaralyq kodtardan túsetin qońyraýlar "Qazaqstan" dep kórsetiledi. Apple ótinishimizdi barynsha jyldam qarastyryp, bizge yqylas tanytqanyn atap ótkim keledi", - dedi ministr.
Aita keteri, 2021 jyldyń qyrkúieginde ministr endi basqa memleketke qońyraý shalǵanda sheteldikterdiń telefonynda Qazaqstan degen jazý shyǵatynyn málimdedi.
"BUU janyndaǵy Halyqaralyq elektr bailanys odaǵy Qazaqstanǵa jańa +997 def kodyn belgiledi. Endi bizdiń elden basqa memleketke qońyraý shalǵanda sheteldikterdiń telefonynda Qazaqstan degen jazý shyǵady", - dedi ministr.
Sondai-aq halyqaralyq deńgeidegi tsifrly servisterdi qoldanǵanda da barlyq jerde Qazaqstan degen signal shyǵady.
"Kezinde KSRO taraǵanda +7 halyqaralyq telefon kody eki elge birdei bekitilgen. Biz Qazaqstanǵa ǵana tiesili halyqaralyq kodqa qol jetkizý úshin byltyrdan beri telekommýnikatsiia salasyndaǵy kompaniialarmen birge jan-jaqty jumys júrgizip kelemiz. Osy kelissózderdiń nátijesinde bizdiń elge derbes +997 kody bekitildi", - dep túsindirdi Mýsin.
Tsifrlyq damý ministrligiń habarlaýynsha, Qazaqstan jańa ulttyq kodqa 2023 jyldyń qańtarynan aýysady dep josparlanǵan. Odan keiingi eki jylda jańa jáne eski kodty qatar qoldana berýge bolady. Memleket jańa kodqa 2025 jyldan bastap birjola aýysady.
