Qazaqstanda ekouryqtandyrý protsedýrasyn mindetti meditsinalyq saqtandyrý aiasynda tegin jasaýǵa bolady, dep habarlaidy "Ult aqparat".
Qazaqstanda ekstrakorporaldy uryqtandyrý protsedýrasynyń qoljetimdiligi artty. Buǵan deiin kepildendirilgen tegin meditsinalyq kómek sheńberinde ǵana jasalatyn joǵary tehnologiialyq qyzmettiń bul túri biyldan bastap mindetti áleýmettik meditsinalyq saqtandyrý paketine endi.
Bul týraly «Áleýmettik meditsinalyq saqtandyrý qory» KEAQ Almaty qalalyq filialy habarlady.
Jasandy uryqtandyrý – urpaq órbitýdiń álemde keń taralǵan ári eń zamanaýi tásilderiniń biri. Dúniejúzinde 40 jyldan beri paidalanylyp kele jatqan bul ádis Qazaqstanda 1996 jyldan bastap qoldanysqa engizilgen bolatyn.
Búgingi kúni elimizde ekstrakorporaldy uryqtandyrý tásilimen 22 myń bala dúniege keldi. Aldy búginde ata-ana atanyp ta úlgerdi. Al, bedeýlikke bailanysty tirkeýde turǵan áielder sany 9 myńnan asady.
Filial direktory Tileýhan Ábildaevtyń aitýynsha, ekstrakorporaldy uryqtandyrý baǵdarlamasy 2010 jyldan bastap kepildendirilgen tegin meditsinalyq kómek paketine engizilipti.
Al, jyl basynan beri engizilgen MÁMS paketi kópshiliktiń qaltasy kótere bermeitin bul qyzmettiń qoljetimdiligin arttyryp otyr.
«2020 jyly Almaty qalasy boiynsha EKO protsedýralaryna 527,3 mln teńge bólingen. Oǵan 615 uryqtandyrý baǵdarlamasy jasalýy tiis. Búgingi kúnge deiin 259 áiel atalǵan baǵdarlamaǵa qatysyp úlgerdi», - deidi filial basshysy.
Biyl ońtústik astana boiynsha atalǵan baǵdarlamaǵa 5 meditsina uiymy qatysyp jatyr. Olardyń bári de Meditsinalyq saqtandyrý qorymen kelisimshart bekitken.
«Ekstrakorporaldy uryqtandyrý ádisi – álemde beleń alyp jatqan bedeýlik problemasyna qarsy kúrestiń eń tiimdi tásilderiniń biri. Ol áielder men erlerde kezdesetin bedeýliktiń kez-kelgen túrin jeńip shyǵýǵa múmkindik beredi. Zamanaýi reprodýktivtik tehnologiialar bala súiýden kúder úzgen adamdarǵa úmit syilaityn kezderi az emes», - deidi dáriger akýsher-ginekolog, reprodýktolog Anastasiia Rybina.
Aitýynsha, osyndai jandardyń biri kvota kezegin 2 jyl kútken. Oǵan deiin birneshe ret jasalǵan uryqtandyrý baǵdarlamasynan nátije shyqpapty. Osy baǵdarlama arqasynda boiyna bala bitken kelinshek búginde ana bolýǵa daiyndalyp jatyr, deidi dáriger.
Esterińizge sala ketsek, kvota boiynsha EKO baǵdarlamasyna qatysý úshin tirkelgen emhana arqyly arnaiy esepke turý qajet. Tiisti kórsetilimder bolǵan jaǵdaida dárigerler kvotaǵa kezekke qoiady.
Qazaqstanda ekstrakorporaldy uryqtandyrý protsedýrasynyń qoljetimdiligi artty.
Buǵan deiin kepildendirilgen tegin meditsinalyq kómek sheńberinde ǵana jasalatyn joǵary tehnologiialyq qyzmettiń bul túri biyldan bastap mindetti áleýmettik meditsinalyq saqtandyrý paketine endi.
Bul týraly «Áleýmettik meditsinalyq saqtandyrý qory» KEAQ Almaty qalalyq filialy habarlady.
Biyl Almaty qalasy boiynsha EKO protsedýralaryna 527,3 mln teńge bólingen. Oǵan 615 uryqtandyrý baǵdarlamasy jasalýy tiis.
Búgingi kúnge deiin 259 áiel atalǵan baǵdarlamaǵa qatysyp úlgerdi.
