Búginde aýyl turǵyndary memlekettik qyzmet alý úshin aýdan nemese jaqyn mańdaǵy qalaǵa barýǵa tiis. Endigi ýaqytta aýyldan shyqpai-aq memlekettik qyzmetti alý múmkindigi týady. Bul týraly QR Tsifrlyq damý, innovatsiialar jáne aeroǵarysh ónerkásibi ministrligi tsifrlyq transformatsiialaý departamentiniń direktory Nazgúl Bajaeva málim etti, dep habarlaidy QazAqparat.
«Memlekettik qyzmetterdiń qoljetimdiligin arttyrý jáne memlekettik organdarmen ózara is-qimyl jasaý maqsatynda «Qazposhta» ulttyq operatorynyń bazasynda tsifrlyq burysh paida bolady. Tsifrlyq burysh qyzmetin poshta jumysshysy usynady. Ol jer internet, kompiýter jáne basqa da qajetti tehnikamen jabdyqtalǵan. Búginde aýyl turǵyndary memlekettik qyzmetti alý úshin «Azamattarǵa arnalǵan úkimet» memlekettik korporatsiiasynyń bólimshesi bar aýdan ortalyǵyna nemese qalaǵa barady. Ol ýaqyt pen aqshany talap etedi», - dedi Nazgúl Bajaeva «AMANAT» partiiasy alańynda ótken baspasóz máslihatynda.
Onyń aitýynsha, tsifrlyq buryshtar Qazposhtanyń aýyldaǵy 2 myń bólimshesinde ashylady.
Sondai-aq atalǵan jańashyldyq búginde ShQO-da pilottyq rejimde iske asyp jatyr.
Odan bólek, ministrlik ókili 2025 jyldyń sońyna deiin elimizde keminde 20 myń IT mamanyn daiarlaý jospary turǵanyn tilge tiek etti.
Buǵan deiin qazaqstandyqtar endi barlyq jerde jeke kýáliktiń elektrondy nusqasyn qoldana alatynyn habarlaǵan edik.
Sondai-aq, qazaqstandyqtarǵa úidegi internet operatoryn tańdaý múmkindigi berilmek.
