Búgin «Týǵan jer» baǵdarlamasy aiasynda Eńbekshiqazaq aýdanyna qarasty Ashybulaq aýylynda demalys saiabaǵynyń saltanatty ashylýy ótti. Sharaǵa oblys ákimi Amandyq Batalov arnaiy keldi.
Quttyqtaý sózinde oblys ákimi: - Elbasy óziniń baǵdarlamalyq maqalasynda «Patriotizm eń aldymen týǵan jerge, óz aýylyna, qalasyna, óńirine jáne kishi otanyna degen súiispenshilikten bastaý alady» degen bolatyn. Aitylǵan sózge qulaq salǵan Jetisýlyq kásipkerlerdiń úlken qulshynyspen jáne ultjandylyǵymen Memleket basshysynyń «Týǵan jer» baǵdarlamasyn iske asyrýǵa jumyla kirisip ketkendigi bizdi qatty qýantady.
Búgingi kúni Jetisý ólkesiniń áleýmettik infraqurylymyn damytýǵa ólsheýsiz úlesin qosyp kele jatqan Almaty oblysynda týyp ósken esimi elge taraǵan ataqty metsenattardyń bary belgili. Osy tusta «Týǵan jer» baǵdarlamasy aiasynda eń alǵashqy joba dál osy Eńbekshiqazaq aýdanynda júzege asyrylyp jatqandyǵyn erekshe atap ótken jón. Bul barshamyz úshin jaqsy úlgi bolmaq. Meniń oiymsha, osyndai igi ister oblysymyzdyń ózge azamattarynyń da qoldaýyn tabatyn bolady. Barshańyzdy taǵy bir márte osynaý ásem demalys saiabaǵynyń ashylýymen shyn júregimnen quttyqtap, árbir isterińizge sáttilik tileimin, - dedi.
Esterińizge salar bolsaq, jańa demalys saiabaǵy Sabirovtar otbasynyń arqasynda ashylyp otyr. Olar joǵary tehnologiiamen jemister men kókónisterdi ósirýmen ainalysatyn «Amal BIO» JShS-niń menshik iesi bolyp tabylady. 1 ga aýmaqty quraityn saiabaqta shaǵyn fýtbol alańy, balalarǵa arnalǵan oiyn alańdary, stritbol oiynyna arnalǵan alań, 130 orynǵa arnalǵan kontsert ótetin oryn ornalasqan. Saiabaqtyń barlyq aýmaǵy abattandyrylǵan, jaryqtandyrylǵan, 100 astam jas kóshetter men dekorativti gúlzarlar otyrǵyzylǵan. Atalǵan jobany iske asyrýǵa metsenattardyń óz qarajaty esebinen 30 mln. teige qarajat bólingen.
Sabirovtardyń aitýynsha olar búgingi ispen toqtap qalmaq oilary joq. Aldaǵy ýaqytta da «Týǵan jer» baǵdarlamasyn júzege asyrýǵa bilek sybana kirisetin bolady. Olardyń josparynda Jańa turmys jáne Qazaqstan aýyldarynda da dál osynda demalys saiabaqtaryn ashý maqsaty tur.
