Elektrondy eńbek birjasynyń kómegimen 630 myńnan astam turǵyn jumyspen qamtyldy. Bul týraly QR Eńbek jáne halyqty áleýmettik qorǵaý vitse-ministri Nariman Muqyshev óziniń Facebook paraqshasynda jazdy.
«Enbek.kz iske qosylǵanyna nebári 1 jarym jyl boldy. Qazir ol vakansiia men reziýme qory boiynsha elimizdegi iri portaldardyń birine ainaldy. Osy ýaqyt aralyǵynda 985 myńnan astam bos jumys orny jariialanyp, 630 myń adam eńbekpen qamtamasyz etildi. Munda 732 myń reziýme tirkelgen. 203 jumyspen qamtý ortalyqtary osyǵan jumyldyrylǵan. Onyń 51-i jeke agenttikter bolsa, 7-i onlain-alańdar. Al qalǵan 4-i BAQ bolyp otyr», – deidi N. Muqyshev.
Vitse ministrdiń sózinshe, elektrondy eńbek birjasy qoldanýshylar úshin óte yńǵaily. Iaǵni, vakansiialar men reziýmelerdi aimaqtar boiynsha suryptaýǵa bolady. Mamandyqtar men qyzmet aiasyna bailanysty da bólýge bolady. Jumys berýshi úshin de, jumys izdeýshi úshin de barlyq jaǵdai jasalǵan.
«Bolashaqta birja bazasyna elektrondy eńbek kelisim-sharttaryn engizýdi josparlap otyrmyz. Sondai-aq, jumys oryndarynyń kartasy júzege asyrylyp, onlain-oqý jáne arnaiy virtýaldy konsýltant jobalaryn iske qosý kózdelip otyr», – deidi ol.
Aita ketsek, búgingi tańda Enbek.kz saity jumysqa turý boiynsha qyzmet etetin aqparattyq agenttikterdiń arasynda 2 oryndy tur. Bul joba iske qosylǵannan beri elimizde jumysqa turýshylardyń sany 17 paiyzǵa ósti. Osy rette, eńbekpen qamtylǵandardyń basym bóligi jalpy professiianyń mamandary ekenin aita ketken jón (muǵalimder, dárigerler, sanitarlyq jáne tehnikalyq qyzmetkerler, júk tasýshylar jáne t.b.). Kún sanap mundaǵy qyzmetter keńeiip, tolyqtyrylyp keledi. Bastysy, el turǵyndary jumysqa tez turyp, yńǵaily formattyń igiligin kórip otyr. Munyń barlyǵy «Tsifrlyq Qazaqstan» memlekettik baǵdarlamasynyń aiasynda júzege asýda.
