Aldaǵy birneshe aidan keiin qazaqstandyqtar eńbekke jaramsyzdyq paraǵyn Egov.kz arqyly ala alatyn bolady. Bul týraly búgin QR Parlamenti Májilisinde densaýlyq saqtaý salasyn tsifrlandyrý taqyrybynda ótken Úkimet saǵatynda elimizdiń Densaýlyq saqtaý ministri Eljan Birtanov aitty, dep habarlaidy QazAqparat.
«Birinshi toqsannyń sońyna qarai elektrondy úkimet portaly arqyly ýaqytsha jumysqa qabiletsizdik paraǵyn, sonymen qatar týberkýlezge qarsy, psihonevrologiialyq jáne narkologiialyq uiymdarda esepte turǵany týraly anyqtamany alý jolǵa qoiylady», - dedi Eljan Birtanov.
Sonymen qatar ministr aǵymdaǵy jyldyń aqpan aiynda kórsetilgen meditsinalyq qyzmetter týraly halyqqa SMS-habarlandyrý qyzmeti engiziletindigin atap ótti.
Aita keterligi, Úkimet saǵatynda Eljan Birtanov 2018 jyldyń maýsym aiynda Qazaqstanda elektrondy densaýlyq pasporty ilki joba retinde engiziletindigin aitty.
Sonymen qatar ol densaýlyq saqtaý salasyna engiziletin jasandy intellekt qalai jumys isteitindigin túsindirdi.
Munan bólek, ministr Halyq densaýlyǵy jáne densaýlyq saqtaý júiesi týraly jańa kodeks ázirlenip jatqandyǵyn atap ótti.
