Ońaltýdyń tehnikalyq quraldarymen jáne qyzmetterimen ýaqtyly qamtamasyz etý tártibi retteledi.
Bul týraly Parlament Májilisiniń jalpy otyrysynda azamattardyń jekelegen sanattaryn áleýmettik qorǵaý máseleleri boiynsha zań jobasyn talqylaý kezinde QR Eńbek jáne halyqty áleýmettik qorǵaý ministri Serik Shápkenov málim etti, dep habarlaidy QazAqparat.
Ministrdiń aitýynsha, jumys berýshiniń óz mindettemelerin oryndaý múmkin bolmaǵan jaǵdaida, eńbek jaraqatynan múgedek bolǵan adamdardy memleket esebinen ońaltýdyń tehnikalyq quraldarmen (OTQ) jáne qyzmetterimen qamtamasyz etý zań jobasynyń taǵy bir jańashyldyǵy bolyp otyr.
«Qazirgi ýaqytta jumys berýshi, iaǵni jeke kásipkerdiń qyzmeti toqtatylǵan nemese zańdy tulǵa taratylǵan jaǵdaida bul mindettemeler memleketke ótedi. Bul rette kásiporyn qyzmeti toqtap turǵan kezeńde nemese bankrottyq rásimderin júrgizý kezinde múmkindigi shekteýli jandar ońaltýdyń tehnikalyq quraldaryn alý múmkindiginen aiyrylǵan. Kóbinese bankrot jumystary 1,5 jylǵa deiin sozylýy múmkin. Atalǵan merzimde óndiriste múgedektik alǵan adam ońaltýdyń tehnikalyq quraldarynsyz qalady. Bul shara 2 myńǵa jýyq adamdy ońaltýdyń tehnikalyq quraldarymen jáne qyzmetterimen ýaqtyly qamtýǵa múmkindik beredi», - dedi S. Shápkenov.
