Foto: Gov.kz
Memleket basshysynyń Jarlyǵymen Asqarbek Maratuly Ertaev Qazaqstan Respýblikasynyń Eńbek jáne halyqty áleýmettik qorǵaý ministri bolyp taǵaiyndaldy, dep habarlaidy Ult.kz Aqordaǵa silteme jasap.
Buǵan deiin Svetlana Jaqypova ministr laýazymynan bosatylǵany habarlanǵan.
Asqarbek Maratuly Ertaev 1977 jyly Aqtóbe qalasynda týǵan. Q.Jubanov atyndaǵy Aqtóbe memlekettik ýniversitetin, «Nur» Aqtóbe menendjment, biznes jáne quqyq institýtyn bitirgen.
Eńbek jolyn 1997 jyly Aqtóbe oblysy Muǵaljar aýdany ákiminiń apparatynda maman bolyp bastaǵan.
2000-2014 jyldary bank sektorynda jumys istedi.
2014 jyly — QR Ekonomika jáne biýdjettik josparlaý ministrligi Saýda komiteti bas sarapshysynyń m.a.
2014-2021 jj. — QR Ulttyq ekonomika ministrliginiń bas sarapshysy, basqarma basshysy, departament direktorynyń orynbasary, departament direktory.
2021-2022 jj. — QR Prezidenti Ákimshiligi Qaýipsizdik Keńesiniń Taldaý bóliminde sektor meńgerýshisi.
2022-2023 jj. — QR Premer-Ministri Keńsesiniń, QR Úkimeti Apparatynyń ekonomikalyq bóliminiń meńgerýshisi.
2023-2024 jj. — QR Eńbek jáne halyqty áleýmettik qorǵaý ministrligi Kóshi-qon komitetiniń tóraǵasy.
2024-2025 jj. — Qazaqstan Respýblikasy Eńbek jáne halyqty áleýmettik qorǵaý vitse-ministri.
2025 jylǵy 9 maýsymnan bastap Qazaqstan Respýblikasy Eńbek jáne halyqty áleýmettik qorǵaý birinshi vitse-ministri.
