Tamara Dúisenova eńbek jáne halyqty áleýmettik qorǵaý ministri bolyp taǵaiyndaldy, - dep habarlaidy "Ult aqparat" Aqordaǵa silteme jasap.
"Tamara Bosymbekqyzy Dúisenova Qazaqstan Respýblikasynyń Eńbek jáne halyqty áleýmettik qorǵaý ministri bolyp taǵaiyndalsyn, ol Qazaqstan Respýblikasy Prezidentiniń kómekshisi - Qazaqstan Respýblikasy Prezidenti Ákimshiliginiń Ótinishterdi qaraýdy baqylaý bóliminiń meńgerýshisi laýazymynan bosatylsyn", - delingen habarlamada.
Aita keteiik, Tamara Dúisenova Tashkent halyq sharýashylyǵy institýtyn bitirgen. Ekonomika ǵylymdarynyń kandidaty.
Eńbek jolyn Saryaǵash aýdanynda mektep muǵalimi bolyp bastaǵan. 1988-1992 jyldary Ózbekstan Memlekettik josparlaý komitetiniń esepteý ortalyǵynyń ekonomika ǵylymi-zertteý institýtynda ǵylymi qyzmetker, 1992-1993 jyldary Saryaǵash aýdandyq ákimshiliginde aǵa ekonomist, 1994-1999 jyldary ákimniń keńesshisi, orynbasary, birinshi orynbasary, 1999-2002 jyldary oblys ákiminiń orynbasary qyzmetterin atqarǵan.
