Bilim salasynda uzaq jyl istegen ustazdar zeinetke erte shyǵyp jatsa, ministrlik oǵan tek qýanady. Bul týraly bilim jáne ǵylym ministri Erlan Saǵadiev aitty, dep habarlaidy Sputnik Qazaqstan tilshisi.
"Nur Otan" partiiasynda ótken qoǵamdyq qabyldaýdan keiin jýrnalister bilim ministri Saǵadievten "bar ǵumyryn bilim salasyna arnaǵan ustazdarǵa zeinetke erte shyǵýǵa múmkindik beretin norma engizilýi múmkin be?" dep surady.
"Buryn mundai júie bolǵan. Biraq munda tek muǵalimder ǵana emes, dárigerler, órt sóndirýshiler, shekarashylar, taǵy basqalar bar ǵoi. Biz ministrlik ishinde bul máseleni qarastyra almaimyz. Ol eńbek jáne halyqty áleýmettik qorǵaý ministrliginiń belsendi aralasýymen úkimet deńgeiinde qaralatyn dúnie. Qaralǵan kezde de, tek muǵalimder ǵana emes, barlyq kategoriia nazarǵa alynady. Eger osyndai norma engizilse, biz tek qýanamyz", — dedi Saǵadiev.
