QR Qorǵanys ministrligi áskeri qyzmetshilerdi baspanamen qamtýǵa qatysty zańnamaǵa ózgerister endi, – dep habarlaidy «Ult aqparat».
Ministrliktiń málimetinshe, QR Qarýly kúshteri áskerlerdi páterlerge ornalastyrý bas basqarmasy (QR QK ÁPOBB) basshysy, podpolkovnik Baýyrjan Zekenovtyń aitýynsha, 2018 jyldyń 1 qańtaryna deiin jumystan shyǵyp ketken tulǵalardyń páter alý erejesine birqatar ózgertýler engizilgen.
«Qarýly kúshter qatarynda 10 jyldan kóp, biraq 20 jyldan az qyzmet etken, iaǵni olardyń jas mólsheri ary qarai jumys isteýine múmkindik bermegen, densaýlyǵyna nemese shtat qysqarýyna bailanysty jumystan shyqqan tulǵalar bar. Buryn 20 jyldan az jumys istegenderdi baspanamen qamtamasyz etý zańnamada qarastyrylmaǵan bolatyn. Qorǵanys ministrligi buryn bolmaǵan qadamǵa baryp, 2018 jyldyń 1 qańtarynda kúshine engen zańda olardy baspanamen qamtý máselesin qaita qarastyrdy» dedi Baýyrjan Zekenov.
Onyń sózinshe, bul – jabyq áskeri qalalarda turatyn sanat.
«Qazir olardyń jekeshelendirýge jatpaityn turǵyn jaiyn jekeshelendiretindei etip aýystyryp jatyrmyz. Bul - Qorǵanys ministrliginiń resmi saitynda jariialanǵan turǵyn úi. Sonymen qatar, Nur-Sultan qalasyndaǵy Sh.Qudaiberdiuly kóshesinde turǵyn úi kesheni ashyldy. Joǵaryda atalǵan sanatqa jatatyn adamdar osy páterlerdiń kiltine ie boldy. Sonymen qatar, 2020 jyly Almatyda 240 páterge arnalǵan taǵy bir turǵyn úi keshenin ashý josparda bar», - dep aqparat berdi QR QK ÁPOBB basqarma basshysy.
Anyqtalǵandai, búginde Qorǵanys ministrligi zańnamaǵa sáikes atalǵan sanat tulǵalarynyń aldyndaǵy barlyq mindetterin oryndap jatyr. Qazirgi Turǵyn úi qatynastary týraly zańnamaǵa sáikes turǵyn úi qoryn berýdiń biryńǵai normasy bar, iaǵni bir adamǵa 15-ten 18 sharshy metr aýmaqqa deiin beriledi dep josparlanýda.
