QR Eńbek jáne halyqty áleýmettik qorǵaý ministrliginiń qyzmetkerleri bir kúndik eńbekaqylaryn Arys turǵyndaryna kómek retinde aýdarady, dep habarlaidy QazAqparat.
«QR Eńbek jáne halyqty áleýmettik qorǵaý ministrliginiń jáne vedomstvoǵa baǵynyshty uiymdar men aýmaqtyq departamentterdiń qyzmetkerleri bir kúndik jalaqysyn Túrkistan oblysy Arys qalasynyń turǵyndaryna kómek úshin aýdarady. Ministrlik barlyq kásiporyndar men kompaniialardy, iri jumys berýshiler men apatqa nemquraily qaramaityn qazaqstandyqtardy áskeri bólimdegi oq-dáriler jarylysynan zardap shekken otandastarymyzǵa kómektesýge shaqyrady», - dep jazdy ministrliktiń baspasóz hatshysy Qanat Qulshymanov áleýmettik jelide.
«Qiyn jaǵdaida qalǵan Arys turǵyndaryna kómektesý - bizdiń azamattyq paryzymyz. Biriksek, barlyq qiyndyqty eńserip shyǵamyz», - dep jazdy ol.
