QR Eńbek jáne halyqty áleýmettik qorǵaý vitse-ministri Serik Shapkenov jyl qorytyndysy boiynsha jumyssyzdyq qai deńgeige jetýi múmkin ekenin aitty, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda Eńbek jáne halyqty áleýmettik qorǵaý vitse-ministri Serik Shapkenovke elimizdegi jumyssyzdyq deńgeiine qatysty suraq qoiyldy.
«Eńbek ministrliginde tiisti boljam bar, onda jyl sońyna deiin jumyssyzdyq deńgeii 6,1 paiyz shamasynda bolady dep eskerilgen. Bizdiń boljamda ońtaily jáne teris faktorlar qamtylyp otyr. Teris faktorǵa koronavirýs jaǵdaiyn aitýǵa bolady», - dedi S. Shapkenov.
Sonymen qatar ol koronavirýs indetiniń jańa tolqyny bolýy múmkin degen eskertýler aitylyp jatqanyn eske saldy.
«Jańa tolqyn bolsa jáne karantin sharalary jalǵassa, bul jaǵdai teris áserin tigizetini anyq. Al ońtaily faktor retinde «Jumyspen qamtýdyń jol kartasy» óziniń nátijesin berip jatqanyn atap ótkim keledi. Birinshi toqsanda jumyssyzdyq 4,8 paiyz bolsa, ekinshi toqsanda 5 paiyz deńgeiinde. «Eńbek» baǵdarlamasy men «Jumyspen qamtýdyń jol kartasy» jumyssyzdyq deńgeiin 5 paiyz shamasynda toqtatýǵa múmkindik berdi», - dedi vitse-ministr.
«Bul baǵyttaǵy boljamdar jaǵdaiǵa bailanysty qaita qaralýy múmkin. Iaǵni, osy turǵyda jaqsy ári jaǵymsyz nátije bolýy yqtimal. Sondyqtan atalǵan faktorlarǵa qarai, jaǵdaidy baǵalaýǵa bolady», - dedi S. Shapkenov.
