R Eńbek jáne halyqty áleýmettik qorǵaý ministrligi QR Áleýmettik qamsyzdandyrý kodeksiniń tujyrymdamasyn ázirleý úshin azamattardan usynystar jinaýǵa kiristi, dep habarlaidy "Ult aqparat" vedomstvonyń baspasóz qyzmetine silteme jasap.
Qazaqstandyqtar óz usynystaryn bailanystyń 4 arnasy, iaǵni elektrondyq poshta, Facebook toby, Telegram-kanal jáne WhatsApp messendjeri arqyly jibere alady.
Budan buryn habarlanǵandai, Memleket basshysy 2020 jylǵy 1 qyrkúiektegi Qazaqstan halqyna Joldaýynda Áleýmettik qamsyzdandyrý kodeksin ázirleý jáne qabyldaý arqyly áleýmettik zańnamany shoǵyrlandyrý jumysyn bastaýdy tapsyrdy.
Qazirgi kezde respýblika azamattaryna áleýmettik qamsyzdandyrý sharalarynyń keń spektri qamtamasyz etilgen, olar 17 zańmen jáne 100-den astam zańǵa táýeldi aktimen retteledi. Sonymen birge, áleýmettik saladaǵy tólemder mólsherin esepteý úshin ártúrli kórsetkishter: ailyq eseptik kórsetkish, kúnkóris deńgeii, eń tómengi jalaqy jáne basqalary negizge alynady.
Áleýmettik qamsyzdandyrý salasyndaǵy zańnamany qabyldaýdy jeńil etý jáne ony sapalyq turǵydan jaqsartý maqsatynda ol biryńǵai Kodekske biriktiriledi. Onyń tujyrymdamasy 2021 jyldyń 2-toqsanynda ázirlenedi, odan keiin sonyń negizinde Áleýmettik qamsyzdandyrý kodeksiniń ózin ázirleý bastalady.
El azamattary óz usynystaryn kelesi arnalar arqyly jibere alady:
- Facebook toby: https://www.facebook.com/groups/expert2020
- WhatsApp: +7 708 180 35 38, https://wa.me/message/RIAPN2DTW25UP1
- telegram kanaly: https://t.me/expertsocial
- elektrondyq poshtasy: expert2020@mail.kz.
