Biyl Ulttyq biryǵai testileý nátijesinde oqýǵa túse almai qalǵan az qamtylǵan nemese kópbalaly otbasylardan shyqqan 20 600 balaǵa kásiptik bilim beriledi. Bul týraly QR Eńbek jáne halyqty áleýmettik qorǵaý vitse-ministri Serik Shapkenov aitty, dep habarlaidy QazAqparat.
«Qazirgi tańda «Eńbek« baǵdarlamasyna bailanysty 176 mlrd teńge kóleminde qarjy bólinip otyr. Prezidentimizdiń tikelei tapsyrmasyna sáikes, baǵdarlamaǵa qosymsha 50 mlrd teńge bólindi. Baǵdarlamanyń birinshi baǵyty oqý máselesin qamtidy. Árine, biz ózimizdiń azamattarymyzdy kásiptik bilimmen qamtamasyz etýimiz kerek. Búgingi kúni az qamtylǵan nemese kópbalaly otbasylardan shyqqan balalar UBT qorytyndysy boiynsha joǵary oqý ornyna túse almai qalsa, biz olarǵa kásibi bilim berý maqsatynda tehnikalyq jáne kásiptik bilim beretin bolamyz. 1 qyrkúiekten bastap iske asady. 20 600 adam qabyldady», - dedi ol Ortalyq kommýnikatsiialar qyzmetindegi baspasóz máslihatynda.
Onyń aitýynsha, baǵdarlamanyń kelesi baǵyty qysqa merzimdi oqytýdy kózdeidi. Bul rette 3-6 ai aralyǵynda azamattarǵa kásiptik bilim beriledi. Qazirgi ýaqytta 11 myń azamat oqýǵa jiberilgen. Olardyń 700-i oqýyn bitirse, 200-den astam turaqty jumys ornyna ornalasqan. Aita keterligi, kásiptik bilim alyp shyqqan bul azamattardyń barlyǵy mindetti túrde jumyspen qamtylatyn bolady.
«Baǵdarlamanyń kelesi baǵyty - shaǵyn nesie nemese granttar. Osy oraida aita keterligi, shaǵyn nesie men granttardy alatyn azamattarymyzdy «Biznes bastaý« baǵdarlamasy boiynsha oqytamyz. Biyl 30 myń adamdy oqytý josparlanǵan edi. Búginde 23 myń adam oqydy. Onyń ishinde 18 myń adam óz biznes josparlaryn qorǵap shyqty. 7 myńǵa jýyq adam shaǵyn nesielerin aldy. Shaǵyn nesie alǵan 5 800 adam 6200 turaqty jumys ornyn ashty. 17 200 grant berildi. Negizgi josparymyz - 23 600. Bul jumys jyl boiy ary qarai jalǵasa beredi jáne turaqty baqylaýymyzda ustaimyz», - dedi vitse-ministr.
