Messendjerler men áleýmettik jelide taratylyp jatqan «42 500 teńge» tólemine ótinim qabyldaýdyń bastalǵany týraly aqparat jalǵan. QR Eńbek jáne halyqty áleýmettik qorǵaý ministrligi osylai málim etti, dep habarlaidy "Ult aqparat".
«Messendjerler men áleýmettik jelide Memlekettik áleýmettik saqtandyrý qorynan 42 500 teńge mólsherinde birjolǵy tólemderge ótinim qabyldaý úshin saittyń iske qosylǵany týraly taratylǵan aqparat shyndyqqa sáikes kelmeidi.
Qazirgi ýaqytta QR Eńbek jáne halyqty áleýmettik qorǵaý ministrligi COVID-19 aýrýyna bailanysty jaǵdaidy turaqtandyrý úshin shekteý sharalarynyń engizilýine bailanysty kirisin joǵaltqan azamattarǵa birjolǵy tólemdi júzege asyrý qaǵidalaryn ázirleýde», delingen habarlamada.
Ministrliktiń baspasóz qyzmetiniń málimetinshe, birjolǵy tólemdi taǵaiyndaý úshin ótinishterdi 17 shildeden bastap qabyldaý josparlanyp otyr.
«Birjolǵy tólemdi taǵaiyndaýdy 20 shildeden bastaý josparlanyp otyr. Azamattardan jalǵan aqparatqa nazar aýdarmaýyn jáne aqparatty tek resmi kózderden ǵana alýyn suraimyz. Jalǵan aqparatty taratý zań boiynsha jazalanatynyn eske salamyz», delingen habarlamada.
