Zeinetaqy jinaqtaryn sheship almaimyn. Bul týraly Ortalyq kommýnikatsiialar qyzmetinde QR Eńbek jáne halyqty áleýmettik qorǵaý ministri Birjan Nurymbetov málim etti, dep habarlaidy "Ult aqparat".
«Tiisti zań qabyldanǵannan keiin, zeinetaqy jinaqtaýshy qoryndaǵy qarajatty sheship alasyz ba?», - dep surady tilshi Eńbek ministrinen.
«Bul zań qabyldansa, 2021 jyldan bastap tiisti múmkindik bolady. Jeke óz basym zeinetaqy jinaqtaryn sheship almaimyn. Sebebi bul qarajat ózimniń zeinetaqylyq qamtamasyz etý baǵytynda qajet bolady. Eger ondaǵy qajetti somany sheship alsam, zeinet jasyna jetken kezde, mende memleketten alatyn zeinetaqy óte tómen bolady. Sondyqtan ózimniń zeinetaqy jinaǵyma senim artyp otyrmyn», - dedi Birjan Nurymbetov.
Aita keteiik, zeinetaqy qarajatynyń bir bóligin paidalaný quqyǵy 2021 jyldan bastap beriletin bolady. Zeinetaqy jinaqtarynyń bir bóligi turǵyn úi jaǵdaiyn jaqsartý, emdelý nemese qarjy kompaniialaryna basqarýǵa berý úshin alynýy múmkin. Eger maqsatty paidalanýǵa qajet bolsa, otbasy músheleriniń qarajatyn biriktirýge bolady.
