زەينەتاقى جيناقتارىن شەشٸپ المايمىن. بۇل تۋرالى ورتالىق كوممۋنيكاتسييالار قىزمەتٸندە قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ مەلٸم ەتتٸ, دەپ حابارلايدى "ۇلت اقپارات".
«تيٸستٸ زاڭ قابىلدانعاننان كەيٸن, زەينەتاقى جيناقتاۋشى قورىنداعى قاراجاتتى شەشٸپ الاسىز با?», - دەپ سۇرادى تٸلشٸ ەڭبەك مينيسترٸنەن.
«بۇل زاڭ قابىلدانسا, 2021 جىلدان باستاپ تيٸستٸ مٷمكٸندٸك بولادى. جەكە ٶز باسىم زەينەتاقى جيناقتارىن شەشٸپ المايمىن. سەبەبٸ بۇل قاراجات ٶزٸمنٸڭ زەينەتاقىلىق قامتاماسىز ەتۋ باعىتىندا قاجەت بولادى. ەگەر ونداعى قاجەتتٸ سومانى شەشٸپ السام, زەينەت جاسىنا جەتكەن كەزدە, مەندە مەملەكەتتەن الاتىن زەينەتاقى ٶتە تٶمەن بولادى. سوندىقتان ٶزٸمنٸڭ زەينەتاقى جيناعىما سەنٸم ارتىپ وتىرمىن», - دەدٸ بٸرجان نۇرىمبەتوۆ.
ايتا كەتەيٸك, زەينەتاقى قاراجاتىنىڭ بٸر بٶلٸگٸن پايدالانۋ قۇقىعى 2021 جىلدان باستاپ بەرٸلەتٸن بولادى. زەينەتاقى جيناقتارىنىڭ بٸر بٶلٸگٸ تۇرعىن ٷي جاعدايىن جاقسارتۋ, ەمدەلۋ نەمەسە قارجى كومپانييالارىنا باسقارۋعا بەرۋ ٷشٸن الىنۋى مٷمكٸن. ەگەر ماقساتتى پايدالانۋعا قاجەت بولسا, وتباسى مٷشەلەرٸنٸڭ قاراجاتىن بٸرٸكتٸرۋگە بولادى.
