«Eńbek» memleket baǵdarlamasymen 102,6 myń adam turaqty jumys tapty, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
«Biylǵy jyldyń 6 aiynda 283 myń adam Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyna tartyldy. Sol arqyly 217,6 myń adam jumysqa ornalastyrylsa, onyń ishinde 102,6 myń adam turaqty jumysqa turdy.
118 myńnan astam adam sýbsidiialanatyn jumys oryndarymen qamtyldy, onyń ishinde 15 myń adam áleýmettik jumys oryndaryna, 14 myń adam jastar praktikasyna, 89 myń adam qoǵamdyq jumystarǵa ornalastyryldy», delingen habarlamada.
«Eńbek resýrstarynyń utqyrlyǵyn arttyrý maqsatynda 1 shildede jumys kúshi artyq ońtústik óńirlerden 3019 adam, iaǵni 853 otbasy qonys aýdardy.
2020 jylǵy 1 shildedegi jaǵdai boiynsha qysqa merzimdi oqý kýrstaryna 7,2 adam jiberildi, onyń ishinde 342 adam oqýdy aiaqtap, 148 adam jumysqa ornalastyryldy. Jalpy, jyl sońyna deiin bul sharamen 18,8 myń azamatty qamtý josparlanyp otyr», delingen habarlamada.
Memlekettik baǵdarlama aiasynda jyl basynan beri jappai kásipkerlikti damytý úshin 17,6 mlrd teńge somasyna 3 931 shaǵyn nesie berildi, onyń ishinde 4 165 jumys ornyn ashqan aýyldyq kásipkerlerge 14,6 mlrd teńgege 3 687 shaǵyn nesie berildi.
Jappai kásipkerlikti damytý aiasynda mikrokreditteýdi 2020 jylǵa deiin qarjylandyrý kólemi 54,2 mlrd teńgeni quraidy, onyń 79,9%-y (43,3 mlrd teńge) aýyldyq jerlerge jáne 20,1%-y (10,9 mlrd teńge) qalalarǵa keledi.
Sondai-aq, baǵdarlamaǵa qatysýshylarǵa jańa biznes ideialardy júzege asyrý úshin 200 AEK mólsherinde 24 myńnan astam memlekettik grant beriledi. 1 shildege deiin 10,8 myń grant bólinip úlgerdi.
Budan tys, «Bastaý Biznes» jobasy boiynsha 30 myń adam kásipkerlik negizderine oqytylady.
