Foto: okg.kz
Baian qaryndasymyz birneshe jyldan beri kásipkerlik salada qyzmet atqaryp keledi. Ákesi Joldas Ádiluly men anasy Anarhan Kiikbaiqyzy táýelsizdiktiń alǵashqy jyldary aýdan ortalyǵyndaǵy «Bekuly» bazarynda eńbek etti. Ekeýi aýdan jurtshylyǵyna túrli jemis jáne sándik aǵash kóshetterin jetkizip berip turdy.
Bir joly Talǵat esimdi jigittiń úiirgelik shaǵyn baý-baqshasyn aralap kórdim. Jemis aǵashtarynyń birneshe túri bar eken. Pisip turǵan jemisterdiń dámderi til úiiredi. Áńgimeden áńgime shyǵyp «Osydan on jyldan astam ýaqyt buryn Sholaqqorǵan aýylyndaǵy ortalyq bazarda turatyn Anar apamyzdan satyp alyp edim. Búginde tosap, shyryndar men tort, pirog siiaqty túrli dámdi taǵamdardy osy jemisterden daiyndap alamyz. Anar apaidyń ózi joq bolsa da izin basqan urpaqtaryna sheksiz rizashylyǵymyzdy bildiremin» dedi Talǵat sonda.
Mine, Anarhan apaidyń izin jalǵaǵan qyzy Baian Joldasqyzy kásipkerlik salada 29 jyldan beri ter tógip keledi. Baiannyń qaiynatasy Muqanbetjan Jazbekuly men qaiynenesi Meiirkúl Jolshyqyzy elge tanymal, kópke úlgi, aǵaiyn-týysqa qadirli azamattar. Jubaiy Sáken ekeýi bes ul, bir qyzdy ómirge ákelip, sanaly tálim-tárbie berýde. Erkebulan, Ersultan, Erasyl, Nursultan, Aiaýlym, Janasyl atty perzentteri aýyl men aǵaiynnyń, mektebiniń maqtanyshy.
Tańsholpan, Bibinur atty kelinderi úi sharýasyn dóńgeletip, saltymyz ben dástúrimizdiń besigin terbetip, Meiirkúldei aiaýly ájeniń tárbiesin alyp, ene men kelin, úlken áje men nemere kelin bolyp, baqytty otbasyǵa ainalǵan.
Búginde Baian gúl, jemis kóshetterin ózi ázirlep satady. Sonymen qatar, aýdan turǵyndaryna, ary-beri aǵylǵan jolaýshylarǵa, elge kelgen qonaqtarǵa arnap balyq, chiken, ystyq shai, taǵy basqa da as túrlerin ázirlep usynýmen ainalysady. Erte kóktemde úiirgelik shaǵyn baqshalyqta qyzanaq, qiiar kóshetterin jylyjai arqyly tamyrlatyp, sosyn jetilgenderin tutynýshylarǵa usynady. Sáken jolaýshylar tasymalymen ainalysady.
Sáken men Baian mal da bordaqylaidy. Óz qolyńmen kútip, baǵyp, semirtip soiyp jegen soǵymnyń dámi keremet. Iá, «eńbekpen kelgen nan tátti» degen sóz osyndaida aitylsa kerek.
– Atam men enem, jarym maǵan únemi qoldaý bildirip otyrdy. Bazarǵa shyqsaq mamamyz (enem) balalarǵa bas-kóz bolady. Kerekti zattarymdy papam (atam) kóligimen qaladan jetkizip berip turady. Osylaisha seniki, meniki demei, eńbek ettik. Barlyq jumysymyzdy atamyzdyń ózi baqylap, basqaryp, basshylyq jasap otyrady. Bir jaǵadan bas, bir jeńnen qol shyǵara otyryp, aýyzbirshilik pen yntymaqta, bereke men birlikte jumys isteýdemiz. Qazirgi tańda balyq tazalap, qýyryp, taýyq etinen túrli taǵamdar daiyndap, tutynýshylarǵa usynamyz. Buǵan qyzdarym, kelinderim men balalarym kómektesedi. Bastysy – tutynýshylarǵa sapaly, jyldam, taza, mádenietti qyzmet kórsetip, olardyń alǵysy men rizashylyqtaryn alý, – deidi «Kúmis alqaly» ana Baian Joldasqyzy.
Olar memleketten nesie almaǵan eken. Óziniń qarym-qabileti, kúsh-jigeri, otbasynyń qoldaýymen nápaqalaryn osylai taýyp júr. Iá, «jumyla kótergen júk jeńil». Baiannyń isi baiandy bola bermek.
Baian qaryndasymyz birneshe jyldan beri kásipkerlik salada qyzmet atqaryp keledi. Ákesi Joldas Ádiluly men anasy Anarhan Kiikbaiqyzy táýelsizdiktiń alǵashqy jyldary aýdan ortalyǵyndaǵy «Bekuly» bazarynda eńbek etti. Ekeýi aýdan jurtshylyǵyna túrli jemis jáne sándik aǵash kóshetterin jetkizip berip turdy.
Bir joly Talǵat esimdi jigittiń úiirgelik shaǵyn baý-baqshasyn aralap kórdim. Jemis aǵashtarynyń birneshe túri bar eken. Pisip turǵan jemisterdiń dámderi til úiiredi. Áńgimeden áńgime shyǵyp «Osydan on jyldan astam ýaqyt buryn Sholaqqorǵan aýylyndaǵy ortalyq bazarda turatyn Anar apamyzdan satyp alyp edim. Búginde tosap, shyryndar men tort, pirog siiaqty túrli dámdi taǵamdardy osy jemisterden daiyndap alamyz. Anar apaidyń ózi joq bolsa da izin basqan urpaqtaryna sheksiz rizashylyǵymyzdy bildiremin» dedi Talǵat sonda.
Mine, Anarhan apaidyń izin jalǵaǵan qyzy Baian Joldasqyzy kásipkerlik salada 29 jyldan beri ter tógip keledi. Baiannyń qaiynatasy Muqanbetjan Jazbekuly men qaiynenesi Meiirkúl Jolshyqyzy elge tanymal, kópke úlgi, aǵaiyn-týysqa qadirli azamattar. Jubaiy Sáken ekeýi bes ul, bir qyzdy ómirge ákelip, sanaly tálim-tárbie berýde. Erkebulan, Ersultan, Erasyl, Nursultan, Aiaýlym, Janasyl atty perzentteri aýyl men aǵaiynnyń, mektebiniń maqtanyshy.
Tańsholpan, Bibinur atty kelinderi úi sharýasyn dóńgeletip, saltymyz ben dástúrimizdiń besigin terbetip, Meiirkúldei aiaýly ájeniń tárbiesin alyp, ene men kelin, úlken áje men nemere kelin bolyp, baqytty otbasyǵa ainalǵan.
Búginde Baian gúl, jemis kóshetterin ózi ázirlep satady. Sonymen qatar, aýdan turǵyndaryna, ary-beri aǵylǵan jolaýshylarǵa, elge kelgen qonaqtarǵa arnap balyq, chiken, ystyq shai, taǵy basqa da as túrlerin ázirlep usynýmen ainalysady. Erte kóktemde úiirgelik shaǵyn baqshalyqta qyzanaq, qiiar kóshetterin jylyjai arqyly tamyrlatyp, sosyn jetilgenderin tutynýshylarǵa usynady. Sáken jolaýshylar tasymalymen ainalysady.
Sáken men Baian mal da bordaqylaidy. Óz qolyńmen kútip, baǵyp, semirtip soiyp jegen soǵymnyń dámi keremet. Iá, «eńbekpen kelgen nan tátti» degen sóz osyndaida aitylsa kerek.
– Atam men enem, jarym maǵan únemi qoldaý bildirip otyrdy. Bazarǵa shyqsaq mamamyz (enem) balalarǵa bas-kóz bolady. Kerekti zattarymdy papam (atam) kóligimen qaladan jetkizip berip turady. Osylaisha seniki, meniki demei, eńbek ettik. Barlyq jumysymyzdy atamyzdyń ózi baqylap, basqaryp, basshylyq jasap otyrady. Bir jaǵadan bas, bir jeńnen qol shyǵara otyryp, aýyzbirshilik pen yntymaqta, bereke men birlikte jumys isteýdemiz. Qazirgi tańda balyq tazalap, qýyryp, taýyq etinen túrli taǵamdar daiyndap, tutynýshylarǵa usynamyz. Buǵan qyzdarym, kelinderim men balalarym kómektesedi. Bastysy – tutynýshylarǵa sapaly, jyldam, taza, mádenietti qyzmet kórsetip, olardyń alǵysy men rizashylyqtaryn alý, – deidi «Kúmis alqaly» ana Baian Joldasqyzy.
Olar memleketten nesie almaǵan eken. Óziniń qarym-qabileti, kúsh-jigeri, otbasynyń qoldaýymen nápaqalaryn osylai taýyp júr. Iá, «jumyla kótergen júk jeńil». Baiannyń isi baiandy bola bermek.
