Ál-Farabi atyndaǵy Qazaq Ulttyq Ýniversitetinde «Eń úzdik stýdenttik top – 2018» baiqaýynyń aqtyq saiysy óz máresine jetti. Jarystyń sońǵy kezeńiniń maqsaty stýdentterdi innovatsiialyq jobalarǵa baýlý boldy. Óz fakýltetteriniń bedelin qorǵap shyqqan ár top Elbasy N.Nazarbaevtiń «Rýhani jańǵyrý» baǵdarlamalary aiasynda ózderiniń jobalaryn qorǵady. Fakýltetinen sýyrylyp shyqqan toptardyń qorǵaýymen bir-birinen ótken keremet, aqyldy jáne muqiiat jasalǵan jobalardyń kýási boldyq. Baiqaýdy bastan-aiaq uiymdastyryp, stýdentterdi osyndai igilikti iske baýli bilgen «Suńqar» stýdentter men maistranttar kásipodaǵy.
FINALISTER BUǴAN DEIIN QANDAI KEZEŃDERDEN ÓTTI?
Aita keteiik, 2012 jyldan beri bastaý alǵan joba stýdentterdiń belsendi azamattyq ustanymyn qalyptastyrý, úzdik stýdentter tobyn shyǵarý jáne yntalandandyrý maqsatynda júrgizilip keledi. Osy jyly 8 fakýltetten eń úzdik 8 top qatysty. Baiqaý barysynda stýdenttik toptardyń tapqyrlyǵyn, bilimdiligin jáne uiymdastyrýshylyq qabiletin joǵary deńgeide kórsetýi – qatysýshylarǵa qoiylatyn basty talap boldy. Mamyr aiyna deiin jalǵasqan doda stýdentterdiń ýaqyttaryn qyzyqty ári paidaly iske jumsaýyna septigin tigizdi.
Stýdentterdiń jalpy oqý úlgerimi, ǵylymi, mádeni jáne qoǵamdyq sharalardaǵy belsendiligi, ózin-ózi basqarýdaǵy uiymdastyrýshylyq qabiletteri synalatyn doda tórt deńgeide ótkizilipti. Birinshi fakýltet deńgeiinde de eń bilimdi, eń úzdik, eń uiymshyl toptar tańdalyp, ýniversitettik dodada jiberildi. Aqpan aiynyń 14-28 aralyǵynda ár fakýltettiń eń úzdik top stýdentteriniń jetistikteri men shyǵarmashylyqtaryn ár fakýltetten sýyrylyp shyqqan jalyndy jastar ózara naýryz aiynyń 11-shi juldyzynda baiqaýdyń I týrynda baq synasty. Konkýrstyń ekinshi deńgeiinde nemese ýniversitettik deńgeidiń birinshi kezeńinde stýdenttik toptar óz fakýltetterin qyzyqty beinerolikter arqyly tanystyryp, ózderiniń uiymshyldyǵyn kórsete bildi. Baiqaýda ár top erekshe kostiýmder kiip, ózderiniń talanttarymen tánti etti. Konkýrsqa qatysqandar óz fakýltetteriniń namysyn qorǵaityn bolǵandyqtan, qatysqan stýdentter bar kúsh-jigerlerin salyp jarysty. Toptardyń arasynan kelesi týrǵa ótken fakýltet toptarynyń 1-shi kezeńniń qorytyndysy eskerildi, iaǵni, toptardyń úlgerimi, ǵylymi jariialanymdarynyń sany, pándik olimpiadalarǵa, baiqaýlarǵa, konferentsiialarǵa qatysqan stýdentter sany, avtorlyq kýáligi, patentteri, qoǵamdyq qyzmeti jáne sporttyq qyzmeti eskerildi. Júzden júirik myńnan tulpar 6 stýdenttik top konkýrstyń kelesi kezeńinde óz baqtaryn synaýǵa joldama aldystaityn qujattar papka túrinde jinaldy.
Sáýir aiynda stýdentterdiń eń súiikti jobasyna ainalǵan «Eń úzdik stýdenttik top-2018» baiqaýynyń 2 kezeńi ótti. «Tanystyrý» dep atalǵan 2 kezeńde barlyq toptar ózderin tanystyrdy. 25 sáýir kúni 3 kezeńmen jalǵasyn tapqan baiqaýda stýdenttik toptar ózderi túsirgen Elordamyz Astana qalasynyń 20 jyldyq mereitoiyna orai «Astanama 20jyl» atty beinerolikterin kórermen nazaryna usyndy. Sonymen qatar, «Ainalańdy nurlandyr» jáne «Alma-Qala» aktsiialary tóńireginde QazUÝ qalashyǵynda kóshetter otyrǵyzylyp, jasyldandyryldy. Bul aktsiialarǵa «Eń úzdik stýdenttik top – 2018» qatysýshylary da shet qalmastan, at salysty.
AQTYQ SAIYS. KIM QANDAI JOBA USYNDY?
Aqtyq saiysta fakýltetterdiń aq týyn ustaǵan toptardyń jobalary:
1. Fizika-tehnikalyq fakýlteti – «Avtoturaq»
2. Geografiia jáne tabiǵatty paidalaný fakýlteti – «Project Scale»
3. Filosofiia jáne saiasattaný fakýlteti – «SMART proekt»
4. Filologiia, ádebiettaný jáne álem tilderi fakýltet – «YOUTUBE jelisindegi qazaq tildi kontent»
5. Biologiia jáne biotehnologiia fakýlteti – «Lastanǵan toǵan sýlaryn Eichirnia crissipes L. – Sý súmbilimen tazalaý
Bir-birinen ótken keremet jobalardyń barshasy QazUÝ qalashyǵynyń ekologiiasyn tazartyp, stýdentterdiń qyzmetine jaraityn, smart sity úshin arnalǵan jobalar boldy. Úzdik stýdenttik toptardyń jobalary qyzý talqyǵa túsip, joba avtorlaryna suraqtar qoiyldy.
Dástúrge ainalǵan «Eń úzdik stýdenttik top-2018» jobasy osylaisha óz máresine jetti. Jobanyń nátijesinde júldeli úshinshi oryn alǵan geografiia jáne tabiǵatty qorǵaý, filosofiia jáne saiasattaný fakýltetiniń stýdenttik toptary «Mádeni orynǵa joldama» alsa, ekinshi oryndy alǵan fizika-tehnikalyq fakýltetiniń toby Ystyqkólge joldama aldy. Birinshi oryndy alǵan biologiia jáne biotehnologiia fakýlteti, ǵylymi biologiia mamandyǵy boiynsha 2-kýrs stýdentterinen quralǵan «BIO rhythms» toby 2018 jylǵy ál-Farabi atyndaǵy QazUÝ-dyń úzdik toby atanyp, Astana merekesine orai Elordamyzǵa saiahattaýǵa joldama aldy.
Idaiat Nursáýle
Omarov Janbolat
Baǵila Abdýllaeva
Ál-Farabi atyndaǵy Qazaq Ulttyq ýniversiteti
.jpeg)