"Shtrihi k portretý" derekti filminiń kezekti seriiasynda Elbasy Nursultan Nazarabaev prezident sailaýyndaǵy opponenti Serikbolsyn Ábdildindi eske aldy, dep habarlaidy Sputnik Qazaqstan.
"Biz onymen keremet qarym-qatynasta boldyq. Kolbin kezinde ol Máskeýge turaqty ókil bolyp bardy. Óte bilimdi, myqty ekonomist. Ózimizdiń memlekettik josparlaý komitetinde jumys istegen. Ol da, Asanbaev (Qazaqstannyń vitse-prezidenti - Sputnik) da Qazaqstannyń burynǵy basshylyǵymen durys qarym-qatynasta bolmady. Sol sebepti men ony Qazaq KSR joǵarǵy keńesiniń depýtaty qyzmetine sailanýǵa kóndirdim. Sóitip, Shymkentte ony múldem tanymasa da, depýtat bolyp sailandy", - dedi Nazarbaev.
Elbasynyń aitýynsha, 1991 jyly ótken prezident sailaýynan keiin Serikbolsyn Ábdildin joǵarǵy keńestiń tóraǵasy bolamyn dep shyqty.
"Shynymdy aitsam, men qalaǵan joqpyn. Sebebi ony jaqsy bildim. Ambitsiiasy bar, basqasha kózqaras. Sodan daý bastaldy. Basqa kandidattar bas tartty. Álde, onymen kelisip aldy ma, aqyry joǵary keńestiń tóraǵasy bolyp sailandy. Qyzmetke keldi de, Reseidiń joǵarǵy keńesiniń tóraǵasy Hasbolatovpen dos bolyp aldy. Ol kisi keńesterdiń basty organ retinde bolǵanyn qalady. Bolshevikterdiń basty urany – "Barlyq bilik keńesterge berilsin!" degendi ustandy. Sonyń bári Máskeýdegi aq úige oq jaýdyrýǵa ákelip soqtyrdy", - dep atap kórsetti Nazarbaev.
Onyń sózine qaraǵanda, Serikbolsyn Ábdildin de osy baǵytty ustady. Bilikti kommýnisterge bergendi qalady.
"Parlament naryqtyq ekonomikaǵa qatysty barlyq usynystardy buǵattap otyrdy. Biraq ol kezde parlamentte kileń kommýnister otyrdy. Birde-bir zańdy ótkizýge múmkindik bermedi. Men tańnan keshke deiin sol jerde otyryp, zańdardyń árbir babyn túsindirip otyrdym. Endi, alǵa qarai júrý kerek qoi. Jekeshelendirý týraly zańdy qabyldaý múmkin bolmady. Bankter men jeke menshik zańdar da solai. Shaǵyn jáne orta biznes týraly zań bar. Men de kommýnist boldym. Biraq ózgerý kerek qoi", - dep eske aldy Nazarbaev.
Almatydaǵy aýdandyq atqarýshy komitettiń depýttary ózin-ózi taratyp jibergennen keiin parlamentti de taratý máselesi kóterile bastady. Sodan keńes depýtattarynyń jartysynan kóbi óz erkimen ókilettiligin toqtatty. Aqyry joǵarǵy keńesti taratyp jiberdi.
"Endi, qaitqan adam týraly jaman nárse aitpaidy ǵoi. Jalpy, Ábdildin bilimdi kisi bolǵan. Ekeýimiz dos edik. Biraq eń úlken jaý dostyń arasynan shyǵady ǵoi (kúldi). Osylaisha, ol ózgerip ketti. Prezident sailaýyna kompartiianyń atynan qatysty. Biraq ol kezde qaidaǵy kompartiia, elektoraty da bolmady. Ary ketse, 8-9 protsent. Sóitip, solai sońyna deiin ómir súrdik", - deidi Nazarbaev.
